< 2024 >
May
MoTuWeThFrSaSu
  12345
6789101112
13141516
  • 10:00 -14:00
    16/05/2024Europe/Skopje

    На 16.05.2024 година (четврток), 10:00 – 14:00 часот, Академик ќе одржи онлајн семинар на тема: „Закон за забрана на нефер трговски практики во синџирот на снабдување на земјоделски и прехранбени производи“.

    На семинарот ќе биде разработен ЗАКОНОТ ЗА ЗАБРАНА НА НЕФЕР ТРГОВСКИ ПРАКТИКИ ВО СИНЏИРОТ НА СНАБДУВАЊЕ НА ЗЕМЈОДЕЛСКИ И ПРЕХРАНБЕНИ ПРОИЗВОДИ и ќе биде дадена компаративна пракса од ЕУ и земјите од регионот при спроведувањето на Директивата (EU) 2019/633 на Европскиот парламент и Советот од 17.04.2019 за нефер трговски практики во односите бизнис со бизнис во синџирот на снабдување во земјоделието и храната и националните закони.

    Семинарот ќе биде поделен во две тематски целини:

    • што претставуваат нефер трговските практики (црна листа) и исклучоците (сива листа) во синџирот на снабдување на земјоделски и прехранбени производи и
    • договор за снабдување на земјоделските производи и постапка пред Комисијата за заштита на конкуренција.

    Во рамките на овие тематски целини, на семинарот ќе се разговара поконкретно за следните прашања:

    • причини за донесување на Законот за нефер трговски практики;
    • клучни елементи за ефективна регулаторна рамка;
    • на кого се однесува Законот;
    • дефинирање на нефер трговски практики, купувач, добавувач, синџир на снабдување на земјоделски и прехранбени производи, вкупен годишен приход, земјоделски прехранбени производи и расипливи земјоделски прехранбени производи, значителна преговарачка моќ и сл.;
    • ќе се разгледаат 26-те нефер трговски практики (црна листа) со примери и компаративна пракса;
    • ќе се разгледаат 5-те исклучоци од нефер трговски практики (сива листа), со примери и компаративна пракса;
    • колку може да изнесува рабатот и останатите признаени трошоци;
    • договор за снабдување на земјоделски и прехранбени производи (помеѓу добавувачот и купувачот);
    • форма, време на склучување, општи услови и задолжителни елементи на договорот за снабдување на земјоделски и прехранбени производи;
    • надлежност за спроведување на Законот – Комисија за заштита на конкуренцијата;
    • постапка пред Комисијата за заштита на конкуренцијата;
    • кој може да одговара за повреда на Законот – добавувачот и/или купувачот?
    • прекршочни одредби.

    Предавач на семинарот ќе биде д-р Валентин Пепељугоски, адвокат/партнер во Адвокатско друштво Пепељугоски и редовен професор во областа на право на интелектуална сопственост и антимонополско право, со долгогодишно искуство во областа на спроведување на правото на конкуренција и поранешен член на Анти-монополската управа.

    Цена за учество на семинарот за едно лице е 5.400 денари со вклучен ДДВ.

    Плаќањето се врши врз основа на профактура, задолжително пред почетокот на семинарот.

    Сите заинтересирани можат да се пријават најдоцна до 15.05.2024 година (среда), преку е-пошта на practicum@akademik.com.mk, а сите дополнителни информации за семинарот може да се добијат на телефоните:

    • +389 071232342 и
    • +389 071232593.

    Во пријавата за учество на семинарот треба да ги наведете името и презимето, информациите за субјектот кој ќе го врши плаќањето, адресата за е-пошта која ќе биде користена за да добиете покана за следење на семинарот и телефонскиот број на учесникот за контакт.

    Семинарот ќе се спроведува преку платформата ZOOM.

    Учесниците добиваат електронски материјали и е-сертификат за учество.

171819
20212223242526
272829
  • 16:00 -19:00
    29/05/2024Europe/Skopje

    Имам бизнис идеја, како да заработувам за убав живот од неа?

    За да ви помогнеме да го пронајдете одговорот ова прашање, Академик организира серија обуки чија цел е да им се дадат основни знаења и информации на сите оние кои сакаат да започнат свој бизнис. Кратки и јасни одговори на конкретни прашања за тоа како се станува газда – тоа ќе бидат нашите неконвенционални, практични и интересни обуки од овој серијал. Ќе бидат опфатени сите најважни области од работењето на еден бизнис, ама не мора да сте правник или економист или стручњак за било што, за да ги разберете нашите обучувачи кога ќе ви раскажуваат за правни работи или за сметководство или за продажба или за маркетинг – тие се супер искусни и стручни и ќе ви ги приближат овие теми на разбирлив и јасен начин.

    Првата обука, И јас сакам да имам фирма, ќе биде посветена на законските обврски кои произлегуваат од основањето и водењето на компанија. Нашиот обучувач, адвокат Дејан Алексов, партнер во адвокатската канцеларија Алексов и Мемиши, ќе ви каже како да регистрирате фирма, како да отворите сметка во банка, како да ги вработите луѓето, како да ги заштитите нивни лични податоци. Но, најмногу ќе му се допадне доколку вие учествувате во обуката и  му ги поставите сите прашањата кои ве мачат. Адвокат Дејан Алексов е секогаш спремен да им помогне на сите млади и сериозни старт-ап претприемачи.

    ЛокацијаНетавил (https://netaville.mk)

    Цена за една обука1.600 ден. со вклучен ДДВ

3031