• Дали управувањето со документите го имате усогласено со Законот за архивски материјал и со неговите подзаконски акти?
• Дали користите конвенционални модели на канцелариско и архивско работење и/или електронски системи за управување со документи и податоци?
• Какви модели користите за чување и заштита на архивскиот и документарниот материјал?
• Дали имате обезбедено јавно достапни информации/документи за дејности и/или услуги за коишто сте надлежни?

Онлајн обуката за канцелариско и архивско работење, во организација на Академик, ќе ви обезбеди целосна информација за законските рамки за оваа дејност, но и ќе ве воведе во сите неопходни техники за управување со документите во канцелариското и архивското работење, што претставува столб за чување и заштита на податоците и информациите што се создаваат во текот на работењето на правните лица и со кои се обезбедува чување на институционалната меморија на правните лица и пошироко придонесува за зачувување на колективната меморија на нашето општество.

Оваа значајна обука која е неопходна за секое правно лице, ги покрива сите сегменти на канцелариското и архивското работење, како на имателите на јавен архивски и документарен материјал, така и на приватните правни лица, но и на физичките лица со јавни надлежности.

Кои ќе бидат темите на обуката? Преку оваа обука:

• ќе добиете прецизни информации за законските услови што треба да ги следите во управувањето со документите,
• ќе ве воведеме во деталните техники на деловодничкото работење,
• ќе ви ги презентираме моделите на безбедно движење на документите во текот на работните процеси во канцелариското работење,
• ќе добиете насоки за креирање политики на управување со документите и валоризација на документите преку дефинирање на листи на документи од трајна вредност (историски документи) и листи на документи со рокови на чување,
• ќе ви дадеме насоки за безбедно чување и заштита на документите во архивското работење, и
• ќе ви ги презентираме законските норми за обезбедување отчетност и транспарентност во работењето преку почитување на законските норми за достапност на документите создадени во текот на работењето на правните лица.

Обуката е наменета за одговорните лица кои работат на техничка обработка на документите во кацелариското и архивското работење, како и за раководни лица од јавниот и приватниот сектор кои се задолжени за градење политики за управување со документите.

Дали сме подготвени за последните промени во областа на заштитата на личните податоци?

Новиот Правилник за безбедност на обработката на личните податоци носи суштински промени во системите за заштита на личните податоци воспоставени во компаниите од бизнис секторот, во организациите и кај сите други субјекти кои обработуваат лични податоци. Тој е донесен на крајот од декември 2024 година, а ќе започне да се применува од 1 јули 2025 година. Како што дефинира самиот Правилник, во овој период на прилагодување, контролорите задолжително го прилагодуваат своето работење со одредбите на Правилникот во рамките на предвидениот период на преиспитување и ажурирање на техничките и организациските мерки кои се применуваат за обезбедување безбедност на обработката на личните податоци.

Предавач на обуката ќе биде Арбен Гудачи – експерт и консултант за заштита на личните податоци со долгогодишно искуство во областа.