< 2022 >
September
MoTuWeThFrSaSu
   1234
567891011
12131415
  • 10:00 -15:00
    15/09/2022Europe/Skopje

    На 15.9.2022 година (четврток), од 10:00 до 15:00 часот, Академик ќе одржи обука со физичко присуство на тема: „Како да бидеме успешни во улогата на офицер за заштита на лични податоци“.

    Улогата на офицерот за заштита на личните податоци е клучна во обезбедување на усогласеност со Законот за заштита на личните податоци. Контролорите кои утврдиле обврска за назначување  офицер за заштита на личните податоци се должни да назначат лице кое ги исполнува условите предвидени во Законот за заштита на личните податоци. Во таа насока, меѓу другото, офицерот треба да има завршено високо образование и да има стекнати знаења и вештини во однос на практиките и прописите за заштита на личните податоци.

    Академик во рамките на својата програма за организирање обуки за заштита на личните податоци има организирано многу обуки, опфаќајќи различни сегменти од Законот за заштита на личните податоци. На барање на контролорите и за потребите на офицерите за заштита на личните податоци, Академик ја организира оваа обука наменета за определените офицери за заштита на личните податоци кои сакаат да го надградат своето знаење и вештини, како и за лицата кои сакаат да бидат офицери за заштита на личните податоци. Обуката ќе биде интерактивна и преку практични примери ќе ви ја доближи улогата на офицерот за заштита на личните податоци во секојдневното работење.

    На обуката ќе предава Арбен Гудачи – правник и офицер за заштита на личните податоци во Македонско здружение на млади правници, како и консултант за заштита на личните податоци.

    Обуката ќе се одржи со физичко присуство на учесниците во просториите на АКАДЕМИК ДООЕЛ Скопје, на ул. „Рајко Жинзифов“ бр. 50, Скопје, а бројот на учесници ќе биде ограничен.

    Агенда

    • Законот за заштита на личните податоци (ЗЗЛП)
    • Разбирање на начелата за заштита на личните податоци, улогите, одговорностите и активностите за обработка на лични податоци по ЗЗЛП
    • Разбирање на одговорностите на контролорот и обработувачот
    • Права на субјектите на личните податоци и како се применуваат во секојдневното работење
    • Утврдување на правниот основ и водење различни евиденции за мапирање на процесите кај контролорот
    • Правила за меѓународен пренос на податоци
    • Како да извршиме анализа на постоечкиот систем
    • Како да утврдиме чекори за усогласување со законот
    • Подготвување план за обуки и контроли
    • Основни вештини кои треба да ги поседува офицерот за заштита на личните податоци

     

    Напомена: можни се измени во агендата, во согласност со потребите на учесниците и во зависност од дискусиите што ќе се развијат во текот на обуката.

    Цената за учество на обуката 

    Цената за учество за едно лице е 4.900 денари со вклучен ДДВ.

    Плаќањето се врши врз основа на профактура, задолжително пред почетокот на обуката.

    Сите заинтересирани можат да се пријават за обуката најдоцна до 14.9.2022 година (среда), преку е-пошта на practicum@akademik.com.mk, а сите дополнителни информации за обуката може да се добијат на телефоните:

    • +389 02 3221 091 и
    • +389 02 3122 308.

    Во пријавата за учество на обуката треба да ги наведете името и презимето, информациите за субјектот кој ќе го врши плаќањето, адресата за е-пошта и телефонскиот број на учесникот за контакт.

    Учесниците добиваат електронски материјали од обуката и е-сертификат за учество.

161718
192021
  • 10:00 -13:00
    21/09/2022Europe/Skopje

    На 21.9.2022 година (среда), од 10:00 до 13:00 часот, Академик ќе одржи обука со физичко присуство на тема: „Отворени прашања во примената на Законот за општата управна постапка од аспект на второстепена постапка“.

    На оваа обука преку практични примери ќе се даде осврт на дилемите кои најчесто се појавуваат при  спроведувањето на управната постапка по изјавен правен лек или по изјавено вонредно правно средство.

    Целта на обуката е да се дадат насоки за правилно спроведување на постапката и донесување на правилен и законит управен акт.

    На обуката ќе бидат разработени и постапувањето по жалба при молчење на управата, спецификите на повторувањето на постапката како правно средство, управниот приговор како редовен правен лек, како и вонредните правни средства утврдени со ЗОУП.

    Напомена: обуката ќе се одржи со физичко присуство на учесниците во просториите на АКАДЕМИК ДООЕЛ Скопје, на ул. „Рајко Жинзифов“ бр. 50, Скопје, а бројот на учесници ќе биде ограничен.

    Предавач на обуката ќе биде Ирена Брзанова – член на работната група за подготовка на Законот за општата управна постапка, со долгогодишно искуство во областа на управната постапка, со одржани голем број обуки и предавања на оваа тема.

    АГЕНДА

    • Правен лек во управната постапка – можност на странката за остварување на своето право
    • Жалба во случај на молчење на управата
    • Постапување на првостепениот орган по изјавена жалба – задолжителна обврска или не?
    • Постапување на второстепениот орган – управниот акт како предмет на оцена
    • Мериторното одлучување како обврска на второстепениот орган
    • Повторување на постапката – причини, рок и правни последици
    • Управниот приговор како редовен правен лек
    • Специфичности на вонредните случаи на укинување и поништување на управни акти
    • Менување и поништување на управен акт во врска со управен спор
    • Укинување и менување на правосилен управен акт со согласност или по барање на странката
    • Вонредно укинување
    • Огласување на управен акт за ништовен
    • Прашања и дискусија

    Цената за учество за едно лице е 4.200 денари со вклучен ДДВ.

    Плаќањето се врши врз основа на профактура, задолжително пред почетокот на обуката.

    Сите заинтересирани можат да се пријават за обуката најдоцна до 20.09.2022 година (вторник), преку е-пошта на practicum@akademik.com.mk, а сите дополнителни информации за обуката може да се добијат на телефоните:

    • +389 02 3221 091 и
    • +389 02 3122 308.

    Во пријавата за учество на обуката треба да ги наведете името и презимето, информациите за субјектот кој ќе го врши плаќањето, адресата за е-пошта и телефонскиот број на учесникот за контакт.

    Учесниците добиваат електронски материјали од обуката и е-сертификат за учество.

22232425
2627282930