Четврток, 29 мај 2014 – На 5 јуни 2014 година (Четврток) во конференцискиот центар на Queen Hotel во центарот Зебра со почеток во 10 часот, ќе се одржи обука за две мошне значајни и актуелни теми и тоа: Практичната примена на новиот Закон за финансиска дисциплина и Закон за вонсудско спогодување.

Следејќи ја традицијата на АКАДЕМИК ОБУКИТЕ кои имаат примарна цел – фокусирање на правни теми кои се од суштинско и актуелно значење за практиката и примената, и овојпат, со присуство на реномирани обучувачи од конкретните области, АКАДЕМИК организира обука за прашања кои се новитети во законодавството, а кои воедно во стручната и пошироката јавност иницираат голем број на прашања за начините за нивната применливост низ практиката.

Согласно поставените принципи за квалитет и експедитивност, овие прашања на АКАДЕМИК ОБУКИТЕ секогаш брзо, детално и точно се образложуваат и разјаснуваат, па така и на најавената обука, поаѓајќи од тие премиси, учесниците ќе може да ги дознаат сите аспекти на Законот за финасиска дисциплина и Законот за вонсудско спогодување.

На првиот дел од Обуката целосно ќе се разгледаат прашањата за практичната примена на Законот за финасиска дисциплина, особено прашањата за:

• договорните обврски и содржина фактурата;

• договорна измена на обврски;

• постапка по доспеано побарување;

• постапување на судот или извршителот;

• исполнување на обврски;

• казнени одредби;

• практично значење за должникот и доверителот.

Обучувач за првиот дел ќе биде г-дин Јане Севдински, советник во од Министерството за финансии.

На вториот дел од Обуката целосно ќе се разгледаат прашањата за практичната примена на Законот за вонсудско спогодување, особено прашањата за:

• суштина и примена на вонсудското спогодувањеч;

• постапка за вонсудско спогодување, рокови, странки, содржина на предлогот;

• одлуки во постапката;

• правни лекови со практични примери;

• должности на повереникот;

• финасиски и оперативен план за реструктуирање;

• претворување на побарувањата во главен долг;

• положба на доверителите, видови доверители;

• правни последици

Обучувач за првиот дел ќе биде г-а Снежана Петковска, Раководител на сектор за правни работи во Министерството за економија.

Вообичаено за практичните обуки на АКАДЕМИК, на крајот од обуката е предвидено доволно време за прашања, дискусија, интерактивна дебата и практични примери.

Почитувани пријатели и соработници,

ПРИЈАВЕТЕ СЕ најдоцна до 3.06. 2014  на akademik@akademik.com. mk или на тел. број 02/32 32 821

Цената на обуката е 4.200 денари + 18% ДДВ

Бројот е ограничен на 30 учесници по обука

За корисниците на www.akademika.com.mk следува 10% попуст!