„Ако правото е љубов, адвокатурата е страст“ – Петро Јанура, адвокат
За љубовта кон правото разговараме со адвокатот Петро Јанура
Како се јави кај вас љубовта кон правото?
Тоа се случи на почетокот на правните студии на Правниот факултет во Скопје, кога се сретнав со учењето за природното право. Особено бев фасциниран од Џон Лок, основоположникот на либерализмот, како и од неговите следбеници. Џон Лок истакнал дека во согласност со природниот закон, кој е рационален, секој има право на свој сопствен живот, право на сопствена слобода и право на сопствен имот. Државната власт ги носи позитивните закони со цел да ги обезбеди природните права. Но, доколку власта ги загрозува природните права, тогаш луѓето имаат право да се побунат против угнетувачот за да се воспостави владеење на рационалниот природен закон. Либералните идеи кои се засноваат на принципите на слобода и еднаквост биле основа за започнување на Француската и Американската револуција при крајот на 18 век. Импресивно е што идеите на Џон Лок и во денешно време имаат силно влијание врз концептот за неотуѓивите човекови слободи и права, принципите за поделба на власта и современиот модел на правна држава.
Зошто е потребна љубовта кон правото за еден правник да биде добар правник?
Нормално, за човекот да биде успешен, треба да го сака тоа што го работи. За мене, ако правото е љубов, тогаш адвокатурата е страст. Огромно е задоволството кога адвокатот триумфира во суд, а притоа знае дека е исправена одредена неправда или е постигната важна цел за неговиот клиент.
Вашиот совет до идните генерации правници
Да посетуваат обуки, семинари и програми за стажирање. На тој начин ќе се стекнат со нови практични искуства кои ќе им бидат потребни за понатамошниот развој во кариерата.
- „Од дете се бунтувам за правда“ – Маја Ристова, адвокат
- „Правниците отсекогаш биле носители на интелектуалните движења и промени“ – Иван Дургутов, магистер по право
- „Правото има метафизичка димензија која треба да се почувствува“ – Дарко Павловски, национален правен офицер во Мисијата на ОБСЕ во Скопје
- „Правото, а особено адвокатурата е креативна професија за оние кои го сакаат и го владеат правото“ – Кристијан Поленак, адвокат
- „Бидете правници со интегритет!“ – Александра Груевска-Дракулевски, професор и продекан за настава на „Јустинијан Први“
- Силјановска: Мојата љубов кон правото беше сократовска
- Уранија Пировска: „Љубовта кон правото е љубов кон правдата“
- „Никогаш не предавајте се затоа што промената почнува од вас самите“ – Дитурие Елези-Незири, судијка во Управниот суд
- „Сите знаења на правниците треба да бидат употребени за подобрување на правната држава“ – Андреј Божиновски, правен советник
- „Ако правото е љубов, адвокатурата е страст“ – Петро Јанура, адвокат
- „Без бескрајната љубов кон правото и кон адвокатурата невозможно е да се издржат сите притисоци“ – Петар Трајковски, адвокат
- „Љубовта кон правото нѐ прави истрајни дека правото ќе надвладее“ – Рамије Абдурахими-Цара, судијка во Управниот суд
- „Неуморно верувам во правото и правдата“ – Росица Ефтимовска, менаџер за правни обуки во Академик
- Интервју за љубовта кон правото со тимот адвокати од „Георги Димитров адвокати“
- Наташа Габер-Дамјановска за љубовта кон правото: Привлечност на предизвикот да се изнајде адекватно правно решение