Адвокатската комора на РМ во текот на вчерашниот ден достави допис – барање за дополнување на Предлог-законот за изменување и дополнување на Законот за судови до Владата и до Министерството за правда, како и до Советот за следење на имплементацијата на Стратегијата за реформи на правосудниот сектор, со кој се предлага и адвокатите, како дел од правосудниот систем, да можат да бидат предложени во постапките за избор на судии.

Барањето  на АКРМ го пренесуваме интегрално:

ДО ВЛАДА НА РЕПУБЛИКА МАКЕДОНИЈА
ПРЕТСЕДАТЕЛ, Г-ДИН ЗОРАН ЗАЕВ

СОВЕТ ЗА СЛЕДЕЊЕ НА ИМПЛЕМЕНТАЦИЈАТА НА СТРАТЕГИЈАТА ЗА РЕФОРМИ НА ПРАВОСУДНИОТ СЕКТОР (2017-2022 година)

МИНИСТЕРСТВО ЗА ПРАВДА НА РЕПУБЛИКА МАКЕДОНИЈА
МИНИСТЕР ЗА ПРАВДА, Д-Р РЕНАТА ДЕСКОСКА

Предмет: Барање за дополнување на Предлог-законот за изменување и дополнување на Законот за судови

Почитувани,

Во Законот за судови во член 46 да се вметнат следните одредби:
– За судија на Основен суд и Управниот суд може да се избере лице од редот на адвокатите со најмалку 10 години стаж по положен правосуден испит.
– За судија на Апелационен суд и Виш Управен суд може да се избере лице од редот на адвокатите со најмалку 15 години стаж по положен правосуден испит
– За судија на Врховен суд може да се избере лице од редот на адвокатите со најмалку 20 години стаж по положен правосуден испит.
Образложение:

Ваквата пракса за избор на судии е веќе постоечка и се применува во земјите членки на Европската Унија кон која се стремиме и тоа во Германија, Шпанија, Англија и др.
Изборот на професија е уставно загарантирано право на секој граѓанин и не може да биде ограничено со закон и други позитивни норми. Истовремено со предложениот закон се врши дискриминација врз лицата чија професија е адвокатурата и им се ограничува можноста да имаат слободен избор на професија во судството.

Со почит,

АДВОКАТСКА КОМОРА НА 
РЕПУБЛИКА МАКЕДОНИЈА
Претседател
Љубомир Михајловски, адвокат

На седницата на Советот за реформи адвокатите ги истакнаа своите предлози за измените на Законот за судовите /М.В

И поранешни судии на Уставен суд или меѓународен суд ќе бидат членови на Судскиот совет, според предложените законски измени

ЗАКОНСКИ ИЗМЕНИ: И уставен судија и судија на меѓународен суд да може да бидат директори на Академијата за судии и јавни обвинители

Објавен и текстот на предложените измени на Законот за Судскиот совет

Основниот суд Скопје I Скопје и Основниот суд Скопје II Скопје ќе се преименуваат во Основен кривичен суд Скопје и Основен граѓански суд Скопје

Што се предвидува со најновите предложени измени на Законот за судовите, чиј текст го објави Министерството за правда

Законската рамка за судовите и за Судскиот совет се подготвува според мислењето на Венецијанската комисија

Советот за реформи на правосудниот сектор ги слушна забелешките на Венецијанската комисија за законите на судови и за Судскиот совет

Мислењето за измените на Законот за судовите и на Законот за Судскиот совет на пленарна сесија на Венецијанската комисија

М.В