Петок, 10 мај 2013 – Дваесетина лица се уапсени вчера, во голема акција која се одвивала на двете страни од македонско-српската граница.  Се сомничат за трговија со луѓе и шверц на цигари,  извести РТС.

Во акцијата на Управата за криминалистичка полиција на Белград учествувала и македонската и српската гранична полиција при што се уапсени жители од кумановско Лојане, но и граѓани од Прешево и Врање. Меѓу уапсените има полицајци и цариници.

Според полициската администрацијата во Врање, последната година се уапсени 6.000 илегални мигранти од Авганистан, Блискиот Исток и Северна Африка, кои преку Македонија и Србија илегално заминувале во земјите од Европската Унија.