Да почнеме најпрво со претпоставката за раст на економијата, врз која се базира приходната страна на буџетот, веднаш се доведува во прашање целата негова конструкција. Во состојба на континуирани политички превирања имаше потфрлање на повеќе полиња во изминатата година, особено во делот на реализација на капиталните инвестиции, дополнително треба да се има предвид дека компаниите генерираат сè помали добивки, смета Данела Арсовска, претседателка на Сојуз на стопански комори на Македонија.

Затоа, додава Арсовска, нејасно е врз кои параметри е базиран проектираниот раст од 3,8% идната година,  со оглед на тоа што влегуваме во изборна година, и во првите 6 месеци од годината до конституирање на нова влада сѐ ќе биде во застој поради неизвесноста, доколку се одржат изборите во април 2020 година.

За начинот на кој се планира да се трошат буџетските средства можеше да има поголема транспарентност, со што ресорното министерство преку широка стручна дебата ќе добиеше и придонес од засегнатите страни за тоа како да се подобри структурата на јавните трошења, но и за тоа колку е реална приходната страна.

Од информациите што циркулираат во јавноста заклучокот е дека буџетот е наменет за зголемувањето на платите во образованието, здравството и зголемување на пензиите, но не и како тоа ќе помогне стопанството и граѓаните да добијат подобри услуги бидејќи системските проблеми нема да се решат на овој начин ниту ќе порасне продуктивноста на компаниите кои го полнат буџетот за да можат да издржат повисоки плати и трошоци.

„Од друга страна, трпат капиталните инвестиции, поле на кое се потфрли изминатата година, имајќи предвид дека имаме стратешка заложба за инфраструктурно поврзување на Македонија за побрз проток, што треба да остане во приоритетите, но и дека на овој начин се стимулира работата на над 20 стопански гранки.

Финално, финансирање на трошења кои нема да стимулираат раст на продуктивноста и подобрување на условите за работа на субјектите во приватниот сектор кој е двигател на економијата е тешка одлука за која креаторите на буџетот ќе имаат одговорност, не само пред вработените во јавната администрација и пензионерите, туку и пред приватниот сектор кој вработува 80% од вкупниот број граѓани во државата. Од буџетот тежок 3,9 милијарди евра за 2020 година, 109 милиони евра, или околу 3%, се наменети за директна поддршка на приватниот сектор“, истакнува Арсовска.

Коментар на „Фајнанс тинк“ за Предлог-буџетот за 2020 година

Изгласан ребалансот на Буџетот

Утврден дополнетиот предлог за измени на Буџетот

Пред Комисијата за буџет продолжува расправата за ребалансот на Буџетот

Продолжува расправата за ребалансот на Буџетот

Ребалансот на Буџетот на дневен ред на собраниските комисии

Ребалансот на Буџетот пред пратениците

М.В