Среда, 15 јануари 2013 – Државната изборна комисија (ДИК) го усвои финансискиот план за локалните избори што изнесува 138 милиони 540 илјади денари, а согласно законот дополнителни средства за овие избори треба да издвојат и општините. 

Координаторот на работната група за финансискиот план, членот на ДИК Субхи Јакупиистакна дека околу 46 милиони и 500 илјади денари од предвидените средства се за изработка и печатење на гласачки ливчиња, околу 20 отсто од вкупните расходи се предвидени за изборен материјал односно печати, перничиња, ув спреј, ув ламби и друго. За првпат од страна на ДИК издвоени се средства и за печатење на Избирачкиот список за јавен увид во 36 подрачни единици на Комисијата и изводи за гласање за прв и втор круг и евентуално прегласување, и посебни изводи за лицата кои гласаат ден пред изборите. Досега печатењето го правеше Државниот завод за статистика.