Членовите на Комисијата за надзор над спроведувањето на посебната истражна мерка следење на комуникациите од страна на Министерството за внатрешни работи, Управата за финансиска полиција, Царинската управа и Министерството за одбрана остварија средба со експертски тим, предводен од Маурицио Варанезе од Европската Унија.

Претседателот на Комисијата, Емил Димитриев, ја оцени средбата како континуитет на досегашната соработка и информираше за актуелностите и за претстојните измени во законодавството.  Заедничка констатација на присутните беше дека Република Македонија доцни со имплементација на законите што ја регулираат сферата на службите за безбедност.

Пред сè, поради тоа што не беше формиран Граѓанскиот совет и нема експерти ангажирани во функција на Комисијата за контрола над службите. Избран беше само дел од членовите на Граѓанскиот совет, а во однос на експертите, сè уште Собранието нема одобрено буџет за тоа.

Маурицио Варанезе даде корисни совети за Комисијата за потполна имплементација на прописите, кои во овој момент не се спроведени. Експертскиот тим ѝ укажа на Комисијата да обрне повеќе внимание и во однос на донесувањето на новите закони за реформи во безбедносниот сектор, со оглед на тоа што еден дел од нив би можел значително да влијае на квалитетот на надзорот над службите.

Кои посебни истражни мерки се применувале и во колкав број – Годишниот извештај на Обвинителството пред пратениците