Во насока на поефикасно имплементирање на законите во Република Македонија преку проектот на УСАИД „Партнерство за подобра бизнис регулатива“, на 25.9.2017 година во Битола се  организираше форум на тема: „Регулатива за работните односи и пазарот на труд во компаниите кои се занимаваат со интелектуални дејности: нотари, извршители, адвокати, сметководствени бироа и консултанти“.

Целта на форумот, известуваат од Стопанската комора на Македонија, беше да се дискутира за теми поврзани со регулативата за работните односи, а кои се спeцифични за компаниите што се занимаваат со интелектуални дејности, и тоа: регулирање на работните односи во секторот за интелектуални дејности; плати и надоместоци од работен однос;успешни примери и искуства во регулирање на работните односи во регионот; прашања и дискусија со претставници од бизнис секторот и надлежните институции.

Воведно обраќање и кратко претставување на проектот „Партнерство за подобра бизнис регулатива“ дадоа Јадранка Аризанковска, претставник од Стопанската комора на Македонија и Тања Марковска, претставник од УСАИД.

На форумот свое обраќање имаа консултантите Јован Најденовски и Маријана Андриќ, кои ги презентираа темите: „Анализа на проблемите и предизвиците со кои се соочуваат компаниите што се занимаваат со интелектуални дејности во однос на Законот за работни односи“ и „Плаќање на работата и трошоците од работен однос во РМ и потреби од приспособување на постојната регулатива со современите трендови во компаниите кои се занимаваат со интелектуални дејности“.

Како гостин-презентер свое обраќање имаше и Красен Стефанов, експерт и консултант од Р Бугарија кој пренесе успешни примери и искуства во регулирање на работните односи во регионот.

Форумот е  имплементиран од страна на Стопанската комора на Македонија, во соработка со „ЕПИ ЦЕНТАР Интернационал“ и Стопанската комора за информатички и комуникациски технологии (МАСИТ) и Стопанската комора на Северозападна Македонија, партнери во проектот на УСАИД: „ПАРТНЕРСТВО ЗА ПОДОБРА БИЗНИС РЕГУЛАТИВА“.

M.В