/Прочитано:

626

Граѓаните скениралe речиси 7 милиони фискални сметки

Мерката МојДДВ веќе ги дава резултатите за целите за кои беше воведена – влијае на намалување на сивата економија и им враќа пари на граѓаните, вели заменик-министерката за финансии, Ширет Елези.

Елези посочи дека заклучно со 30 јули граѓаните оствариле поврат од над 930 илјади евра, скенирајќи речиси 7 милиони фискални сметки, со промет од 3,5 милијарди денари. Заменик-министерката рече дека 143 илјади граѓани скенираат фискални сметки.

„Со оглед на трендот на раст на регистрирани корисници и на скенирани сметки, идните месеци очекуваме да расте бројот на месечно скенирани сметки, како и сумата на поврат“, рече Елези.

Заменик-министерката посочи и дека бројот на сторнирани сметки е намален за 15% во овој период, а удвоен е бројот на пријави за неиздадени фискални сметки во однос на минатата година.

Во однос на намалувањето на сивата економија, Елези посочи дека вкупната наплата на ДДВ е подобрена за 18,3% во однос на лани.

„Наплатата на ДДВ од почетокот на јули досега изнесува 75 милиони евра. Ова е раст од 18,3% во однос на лани. Подобрената наплата на ДДВ, заедно со одличната наплата на персоналниот данок, акцизите, како и придонесите – придонесуваат наплатата на вкупните приходи во јули да биде повисока за 16% во однос на лани. Со ова, од почетокот на годината досега приходите во државната каса се поголеми за 7,4% во однос на лани“, рече Елези.

Таа посочи дека како што ќе расте бројот на скенирани сметки се очекува наплатата на ДДВ да остварува уште подобри резултати, како и да влијае на вкупната наплата на приходи во државната каса.

Сторнираните фискални сметки компаниите сами ќе ги пријавуваат во УЈП

УЈП: Симнете ја апликацијата ,,Мој ДДВ” и скенирајте ги фискалните сметки

Донесен Законот за враќање на дел од ДДВ на физичките лица

Законот за враќање на ДДВ на собраниска седница и пред Законодавно-правната комисија по скратена постапка

Законот за враќање на дел од данокот на додадена вредност на физичките лица во собраниска процедура

Презентиран Законот за враќање на 15% од ДДВ на граѓаните

Поврат на ДДВ: Само најбогатите домаќинства ќе можат да вратат една просечна плата

М.В