/Прочитано:

725

И Предлог-законот за попис на дневен ред на Комисијата за европски прашања

Предлог-законот за попис повторно е на дневен ред на собраниската  Комисија за европски прашања. Предлог-законот за попис на населението, домаќинствата и становите во Република Северна Македонија, 2020 година е во собраниска процедура со европско знаменце. Со законот, чие донесување се предлага, се предвидуваат средства во износ од 522.751.000 денари, кои треба да се обезбедат од Буџетот на Република Северна Македонија.

„Со донесувањето на предложениот закон, Република Северна Македонија на меѓународен план ќе ги исполни обврските од меѓународните акти донесени од надлежни тела и органи, а истовремено, податоците што ќе се добијат со пописот ќе претставуваат солидна основа за потребите на општеството во целина“, се вели во законското образложение.

ВМРО-ДПМНЕ реагираше за овој предлог-закон и за начинот на кој требаше да биде донесен. „Законот е изготвен без консултации, и со ставањето на европско знаменце власта се обидува да протне законски текст без јавна дебата“, реагираа од опозицијата. Минатиот месец беше откажана расправата за Предлог-законот пред Комисијата за европски прашања.

Откажана расправата за Предлог-законот за попис пред Комисијата за европски прашања

Презентирани новините во Законот за попис на населението

Утврден текстот на Предлог-законот за попис на населението, домаќинствата и становите

Објавен текстот на Предлог-законот за попис

Новиот Закон за попис се подготвува во Министерството за правда

М.В