Министерството за правда подготвува измени на Кривичниот законик. Потребно е, велат од Министерството, усогласување на одредбите од законот со меѓународните стандарди во одредени области и со праксата на Европскиот суд за човекови права, како и отстранување на лоцираните слабости од праксата.

„Со законските измени ќе се изврши усогласување на одредбите од Кривичниот законик со одредбите од: Конвенцијата на Совет на Европа за спречување и борба против насилство врз жените и семејното насилство, позната како Истанбулската конвенција, Директивата 2017/1371 за борба против измама во врска со финансиските интереси на Унијата со примена на кривичното право и праксата на ЕСЧП. Воедно, со законот се врши дополнување на кривичните дела со одредби за заштита на новинари од напади при вршење на службата“, велат од Министерството.

М.В