Измени на Законот за катастар на недвижности за подобрување на квалитетот на запишаните податоци
Измените на Законот за катастарот се во фаза на прво читање во Собранието. Целта на предложените законски измени за катастарот е подобрување на деловната клима во државата со подобрување на квалитетот на запишаните податоци во катастарот на недвижности, зголемување на процентот на запишаните права во катастарот на недвижности, што ќе резултира со јакнење на довербата во јавната книга, како и со зголемување на транспарентноста на институцијата како јавен сервис на граѓаните.
„Предложените измени и дополнувања произлегуваат од Информацијата со предлог мерки за подобрување на деловното окружување согласно со препораките на Извештајот ‘Doing Business 2018’ на Светска Банка, усвоена од Владата на Република Македонија, со цел подобрување на рангот на Република Македонија во индикаторот ‘Регистрирање на имот’, со која се препорачува на Агенцијата за катастар на недвижности да пристапи кон изменување и дополнување на Законот за катастар на недвижности во насока на подобрување на квалитетот на податоците запишани во катастарот на недвижности, вклучувајќи го и механизмот за отстранување на грешки од страна на Агенцијата и намалување на процентот на незапишани права во катастарот на недвижности, заради што и најголем број од предложените одредби ја регулираат оваа материја“, се вели во законското образложение.
„Причините за донесување на Законот се должат и на потребата од допрецизирање на одредени одредби од истиот со кои се уредува плаќањето на надоместок по пријавите за запишување во катастарот на недвижностите кога пријавата за иста недвижност повторно се доставува од причини што претходно доставената пријава била одбиена, разграничување на надлежностите помеѓу приватниот геодетски сектор и Агенцијата за катастар на недвижности во делот на премерот и изготвувањето на геодетските работи за посебни намени, на потребата од нов рок за доставување пријави за запишување во катастарот на недвижности на податоците од интабулационите книги преземени од судовите а кои останале неидентификувани, нов рок за дооформување на образование на имателите на овластувањата, потребата од создавање правни претпоставки за запишување на инфраструктурни објекти од јавен интерес и друго“, се додава во законското образложение.
Стратешкиот план на Катастарот за 2019 година ќе се реализира со годишна програма
Компаниите укажуваат на недоречености во градежната регулатива
Потребна е реформа на законодавството од областа на градењето која ќе го заштити јавниот интерес
М.В