Извештајот за Катица Јанева пред Комисијата за прашања на изборите и именувањата
Извештајот за утврдената фактичка состојба број 03-133/6 од 29.8.2019 година на Советот на јавни обвинители Република Северна Македонија е на дневен ред на собраниската Комисија за прашања на изборите и именувањата. Извештајот е во врска со започната постапка за разрешување на обвинителката Катица Јанева, која вчера испрати поднесоци до СЈО и Јавното обвинителство за предавање на предметите што ги води СЈО на Јавното обвинителство. Извештајот за Јанева се води како класифициран и седницата на Комисијата ќе биде зад затворени врати.
Минатата недела Советот на јавните обвинители одлучи да ја започне постапката за разрешување на обвинителката Катица Јанева, која раководи со Специјалното јавно обвинителство. Претходно, Обвинителството за гонење на организиран криминал и корупција до Советот на јавни обвинители го достави извештајот во врска со случајот „Рекет“ и обвинителката Катица Јанева, која е осомничена во овој случај.
Во врска со случајот „Рекет“ во Обвинителството вчера исказ даде пратеничката Фросина Ременски. Претходно искази дадоа водителката Лила Филиповска и бизнисмените Силјан Мицевски и Ардијан Амзоски. Во Обвинителството искази дадоа и обвинителките Лиле Стефанова и Елизабета Јосифовска, како и обвинителот Бурим Рустеми. На распит за „Рекет“ беше и Катица Јанева, за која е определена мерка притвор. Мерка притвор е определена и за Бојан Јовановски и за Зоран Милевски.
Во членот 18 од Законот за СЈО се пропишува дека јавниот обвинител се разрешува од функција пред истекот на мандатот поради незаконито, нестручно и несовесно вршење на функцијата.
Доколку Советот на јавни обвинители започне постапка за разрешување на јавниот обвинител, Советот на јавните обвинители во разумен рок ќе достави извештај за утврдената фактичка состојба и основите за разрешување до Собранието на Република Македонија.
Извештајот ќе биде достапен на јавноста преку комисиите во Собранието на Република Македонија, освен доколку некоја од комисиите не го одложи или спречи објавувањето на дел и на целиот извештај, доколку најде за потребно да се заштитат правата на секое лице наведено во извештајот или да спречи недозволено влијание во кое било кривично гонење.
Врз основа на доставен извештај од страна на Советот на јавни обвинители, по предлог на Комисијата за прашања на изборите и именувањата во Собранието на Република Македонија, по претходна согласност на четирите политички партии со најголем број пратеници во Собранието на Република Македонија, Советот по предлог на Собранието на Република Македонија го разрешува јавниот обвинител.
Собранието го утврдува предлогот за разрешување на јавниот обвинител до Советот на јавни обвинители со двотретинско мнозинство, вклучувајќи и мнозинство од гласовите на пратениците кои припаѓаат на заедниците што не се мнозинство и што ќе го поднесе до Советот.
Јавното обвинителство: Ќе го разгледаме поднесокот од Јанева
Соопштение на СЈО за полномошното од Јанева
Пратеничката Ременски во Обвинителството за случајот „Рекет“
Започна постапката за разрешување на Катица Јанева
Извештајот за Јанева доставен до Советот на јавни обвинители
Жалбата на Катица Јанева за притворот одбиена како неоснована.
Законските одредби за разрешувањето на јавниот обвинител кој раководи со СЈО
Етичкиот кодекс на јавните обвинители за односот на обвинителот со обвинетиот
Начела до кои обвинителите се должни да се придржуваат според Етичкиот кодекс
Определен притвор за Јанева, Обвинителството продолжува со истрагата за случајот „Рекет“
Детали од Обвинителството за истрагата против Катица Јанева, која денеска беше приведена
Јанева не чувствува вина за „Рекет“
Катица Јанева дава исказ во Јавното обвинителство за случајот „Рекет“
Обвинителот Рустеми од СЈО ќе дава исказ во Обвинителството
ЈО: За случајот „Рекет“ во тек е финансиска истрага и прибирање на доказен материјал
По предлог на Обвинителството продолжена мерката притвор во предметот „Рекет“
Пендаровски: Не го дискредитирав Јавното обвинителство
Обвинителството со соопштение до јавноста за изјавата на Пендаровски и случајот „Рекет“
Обвинителката Стефанова ќе дава исказ во Јавното обвинителство
Пендаровски: За случајот „Рекет“ правосудните органи да ја истераат работата докрај
Јанева и Стефанова со изјави за објавените снимки за „Рекет“
ЈО за снимките за „Рекет“: Станува збор за материјали кои се дел од доказната постапка
Објавени нови снимки за случајот „Рекет“
Објавена видеоснимка за случајот „Рекет“
ЈО прибира вербални докази за случајот „Рекет“, изјави дале градоначалниците на Карпош и на Битола
Јанева вели дека не ја злоупотребила должноста
ЈО: Пронајден е вториот мобилен телефон на Катица Јанева
М.В
