Известување од УЈП за месечни обврски
Управата за јавни приходи, известува дека исплатувачите на добивки од посебните игри на среќа (казина, обложувалници и автомат клубови) до 7-ми во тековниот за претходниот месец имаат обврска да поднесат Месечен извештај за исплатени приходи - образец „ПДД-МИ/ИС“ за исплатените приходи – добивки од игри на среќа и за пресметаниот и платен данок по одбивка за претходниот месец.
Месечниот извештај задолжително се поднесува преку info.nis@ujp.gov.mk
Исто така, до 10-ти во месецот, работодавачите се должни да поднесат месечна пресметка за интегрирана наплата образец “МПИН” за задолжителни социјални придонеси и ПДД од плати за изминатиот месец.
Пресметката за плата обврзникот е должен да ја достави до Управата за јавни приходи во електронска форма (преку е-пошта или на електронски медиум), со задолжително користење на “Софтверот за месечна пресметка за плата, придонеси и персонален данок“.
При доставување на образец “МПИН“ за повеќе даночни обврзници преку електронската пошта celaplata@ujp.gov.mk, пресметките за плата треба да ги пратите, одделно, за секој даночен обврзник.
Обврзник кој има повеќе деловни единици (подружници) доставува само еден електронски oбразец МПИН, со податоци за вработените од сите деловни единици (подружници).
Образец „ПДД-МИ/ИС“ PDD-MI-IS_Izvestaj_47-14_11.03.2014
