Клучните измени на Законот за судовите

21 декември, 2018 11:29

/ Прочитано:

3.067

Клучните измени на Законот за судовите

Измените на Законот за судовите се во собраниска процедура. Министерката за правда, Рената Дескоска, вели дека во реформските приоритети кои се добиени како задача во процесот на евроинтеграции особено значајно место има позитивната оценка на Венецијанската комисија за Законот за судовите.

Клучните измени во овој закон, на кои упатува министерката за правда, се следните

Се пооструваат критериумите за избор и напредување на судиите.

Се овозможува судиите кои ќе бидат предавачи на Академијата за судии и јавни обвинители да ја извршуваат судиската функција во намален обем.

Се проширува листата на позиции заради кои може да мирува судиската функција, и тоа: Ако судијата е именуван или избран за член на Судски совет на Република Македонија, судија на меѓународен суд, судија на Уставен суд, Јавен обвинител на Република Македонија, директор или заменик директор на Академијата за судии и јавни обвинители.

Се воведува можност судиите да работат до 67 години.

Како потешка дисциплинска повреда, за која може да се поведе постапка за разрешување на судија се утврдени:

потешка повреда на јавниот ред и мир и други посериозни форми на недолично однесување со која се нарушува угледот на судот и неговиот углед;
грубо влијание и мешање во вршењето на судиската функција на друг судија;
ако одбие да поднесе изјава за имотна состојба и интереси согласно закон или ако податоците содржани во изјавата во голема мера се невистинити или
очигледно прекршување на правилата за изземање во ситуации во кои судијата знаел или требало да знае за постоење на некоја од основите за изземање предвидени со закон.

Како нестручно и несовесно вршење на судиската функција заради кое може еден судија да се разреши се подразбира:

ако во две последователни оценувања не ги исполнува критериумите за успешност во работењето, по вина на судијата без оправдани причини, за што е оценет со две негативни оценки, а согласно постапката утврдена со Законот за Судски совет на Република Македонија;
ако е осуден со правосилна судска пресуда на казна пониска од 6 месеци, а која е директен резултат на постапување во вршење на судиската функција, намерно или со свесна небрежност;
ако неовластено издава класифицирани информации, односно изнесува информации и податоци за судски предмети со што се повредува обврската за заштита на тајноста на постапката утврдена со закон и кога јавноста е исклучена согласно закон;
ако без оправдани причини не ги закажува рочиштата во предметите кои му се доделени во работа или на друг начин ја оддолговлекува постапката;
ако не го зема предметот во работа заради што настапува застареност на кривично гонење или застареност на извршување на кривична санкција за кривично дело;
ако земе во работа предмет кој не му е распределен преку автоматизираниот компјутерски систем за управување со судски предмети во судовите;
ако намерно и неоправдано направи крупна професионална грешка, при што различното толкување на правото и фактите не може да претставува основ за утврдување на одговорност на судијата.

При тоа како критериум при разрешување на судија, ќе треба да се води сметка за

повредата е сторена со намера или очигледна небрежност по вина на судијата без оправдани причини и
повредата предизвикала тешки последици.

Полесна дисциплинска повреда според законот се смета:

полесни повреди на јавниот ред или други полесни форми на недолично однесување со кое се нарушува угледот на судот и неговиот углед;
ja користи својата функција и угледот на судот за остварување на свои приватни интереси;
неисполнување на менторски задолженија;
повреда на правилата за отсуство од работа;-
непосетување на задолжителните обуки или
не носење судска тога за време на судењата.

За утврдена одговорност на судија, Советот може да изрече една од следниве дисциплински мерки