Здружението на судиите на РМ ја одржа конститутивната седница на Советодавното тело за судиска етика. Со седницата претседаваше претседателот д-р Џемали Саити, кој по функција е претседател на Советодавното тело.

Членовите на Советодавното тело ги избира Управниот одбор на ЗСРМ, од редот на членовите на Здружението, а по предлог на подружниците.Советодавното тело се грижи за доследна примена на принципите на Кодексот за судиска етика, и по барање на судиите или на Здружението, искажува советодавни мислења на судиите во однос на прашања поврзани со етичкото однесување, односно соодветно извршување на судиските должности и избегнување на судирот на интереси на судиите во приватниот живот и во вршењето на судиската функција.

Овозможувањето услови и механизми за функционирање на Телото се примарни компоненти на МАТРА-програмата, која Здружението ја имплементира во соработка и со поддршка на Амбасадата на Кралството Холандија во Република Македонија.

М.В