„Основниот суд Скопје 1 – Скопје ги известува сите граѓани дека поради предвремените парламентарни избори во Р Македонија и приливот на барања поднесени за издавање на уверенија од казнена и кривична евиденција, барањата ќе се издаваат во рок од 5 до 7 дена, зависно од обемот на работа. Затоа, уште еднаш им укажуваме на сите граѓани кои имаат потреба од уверение од казнената или кривичната евиденција, без разлика за која намена им е потребно, навреме да го поднесат барањето во Кривичниот суд во Скопје и воедно напоменуваме дека конкретните уверенија, во согласност со законските одредби,  се поднесуваат и се издаваат од странана на надлежен суд, според место на раѓање, а не според место на живеење“, се вели во соопштението на Судот.

За сите информации околу начинот на поднесување на барање, плаќање на законски утврдената такса и потребните обрасци за уверенија од казнената и кривичната евиденција за кои е надлежен Основниот суд Скопје 1 – Скопје, можете да се информирате преку веб-страницата на Судот: http://osskopje1.mk/ (корисни информации) и http://osskopje1.mk/cms/FCKEditor_Upload/soop150616.pdf.