На 30 ноември стапува во примена новиот Закон за инспекциски надзор. Со Законот за инспекциски надзор се уредуваат основните начела на инспекцискиот надзор, статусот, надлежностите и работењето на Инспекцискиот совет, организацијата и раководењето со инспекциските служби, следењето, контролата и координацијата на работата на инспекциските служби, статусот и вработувањето на инспектор, лиценцата за инспектор, правата и обврските на инспектор (системот на надоместоци на плати на инспекторите, системот за стручно усовршување и обука на инспекторите), учинокот на инспектор, права и обврски на субјектите на инспекциски надзор при вршење на инспекциски надзор, постапката на вршење инспекциски надзор, посебните дејствија во инспекциската постапка, односите на инспекциските служби и надлежните органи, како и спроведувањето на законот.

Начела на инспекцискиот надзор се начелата на законитост, заштита на јавниот интерес, еднаквост, непристрасност и објективност, одговорност, материјална вистина, сослушување на субјектите на инспекцискиот надзор, самостојност, јавност, пропорционалност, превенција и супсидијарност.

Превентивната улога на инспекцискиот надзор е една од главните новини во Законот. Имено, пред да им биде изречена казна на компаниите за неправилноста констатирана со надзорот, тие ќе добијат опомена од инспекторот и рок да ја отстранат неправилноста. Дополнително, преку примена на начелото на пропорционалност инспекторот е должен да презема инспекциски мерки кои се неопходни за отстранување на неправилностите и кои истовремено ќе бидат и најповолни за субјектот на надзорот.

За новиот Закон за инспекциски надзор Академик ќе одржи обука на 5 ноември, со што учесниците на обуката навремено ќе стекнат конкретни знаења за тоа на што треба да внимаваат при спроведување инспекција, на пример: на кои начини можат да постапат доколку имаат забелешка на записникот изготвен од инспекторот, доколку им се одземени предмети при спроведувањето на инспекцијата, доколку им е издадено барање за прекин со работењето итн. Воедно, учесниците на обуката ќе бидат запознаени и со правата и обврските и на инспекторите за да можат да ги препознаат случаите на нивно преминување и непочитување. Повеќе детали за обуката на следниот линк.

Прописи чиишто одредби стапуваат во примена или престануваат да важат во месец ноември 2019 година

М.В