/Прочитано:

223

На новата е-платформа на Централен регистар ќе има и доброволна регистрација за ДДВ-обврзник

Од годинава, со нова електронска платформа при регистрирање на фирма во Централниот регистар ќе може да се изврши и доброволна регистрација за ДДВ-обврзник. Ова го најави министерката за финансии, Нина Ангеловска, на настанот за одбележување на 18 години јубилеј на Централниот регистар, и посочи дека ова ќе биде големо олеснување за фирмите бидејќи преку е-платформата ќе можат да се завршат сите формалности за започнување бизнис.

„Преку електронската платформа на Централниот регистар ќе може да се регистрира фирма, да се регистрира вработувањето на првите вработени во Агенцијата за вработување и да се изврши регистрација за ДДВ-обврзник, односно речиси сѐ што е потребно за формално започнување бизнис. Како човек кој доаѓа од реалниот сектор, можам да кажам дека ова е исклучително олеснување за оние кои започнуваат бизнис“, рече Ангеловска.

Внесувањето на податоците за доброволна регистрација за целите на ДДВ Централниот регистар ќе го врши електронски преку поврзување на своите регистри со базите на податоци на УЈП,  при што УЈП ќе го доставува бројот на ДДВ во рок од 90 минути од доставувањето на податоците од страна на Централниот регистар. Целокупната документација потребна за регистрирање на фирма се поднесува во електронска форма, потпишана со електронски потпис од овластени лица, рече Ангеловска.

Таа посочи дека способноста на Централниот регистар да одговори на задачата е од исклучително значење бидејќи игра значајна улога во создавањето на подобра бизнис-клима и олеснување на животот на претприемачите и бизнисите.

„Првиот чекор кон реализацијата на секоја бизнис-идеја започнува од Централниот регистар – регистрирање на фирма. Да се биде претприемач и да се води бизнис не е лесно никаде и не ни може да биде, потребна е многу напорна работа, постојано учење и справување со предизвици. Институциите тука треба да одиграат улога на ветер во грб, а не сидро што ќе влече назад. Како? –Така што во континуитет ќе работат на олеснување на процедурите, на скратување на постапките, правејќи ги лесни за употреба за сите“,  рече Ангеловска.

Таа посочи дека дигитализацијата e начинот на кој институциите можат да го постигнат тоа, како и дека Централниот регистар во текот на годините ги направил  електронски голем дел од своите услуги. Така, ако порано требало да се носат хартии документација за да се регистрира фирма, денешните млади претприемачи тоа можат да го направат преку својот компјутер, додека времето изгубено по шалтери можат да го пренасочат на раст и развој на бизнисот, посочи Ангеловска.

Ангеловска рече дека бројот на нови фирми секоја година се зголемува и дека во 2019 година има регистрирано над 6.200 нови фирми.

МФ: Регистрација и дерегистрација на ДДВ-обврзник до 15 јануари

УЈП: Регистрација и дерегистрација за целите на ДДВ

Се зголемува прагот за ДДВ обврзник

Десктоп апликација на МојДДВ за скенирање и сторнирање на фискални сметки

Државната лотарија и УЈП ќе организираат наградна игра „Мој ДДВ, моја награда“

УЈП: Веб-апликацијата „МојДДВ“ за увид во износот на поврат и бришење на фискални сметки достапна за граѓаните

Граѓаните скениралe речиси 7 милиони фискални сметки

Сторнираните фискални сметки компаниите сами ќе ги пријавуваат во УЈП

УЈП: Симнете ја апликацијата ,,Мој ДДВ” и скенирајте ги фискалните сметки

Донесен Законот за враќање на дел од ДДВ на физичките лица

Законот за враќање на ДДВ на собраниска седница и пред Законодавно-правната комисија по скратена постапка

Законот за враќање на дел од данокот на додадена вредност на физичките лица во собраниска процедура

Презентиран Законот за враќање на 15% од ДДВ на граѓаните

Поврат на ДДВ: Само најбогатите домаќинства ќе можат да вратат една просечна плата

М.В