Најпретседателска професија во САД: Од правникот Џон Адамс до правникот Барак Обама – 25 американски претседатели биле правници
Среда, 26 март 2014 – Некои се познати како личности кои со својот интегритет и способност се истакнале во американската и светската историја, некои се не толку познати или непознати на американската и светската јавност, некои величени, а некои критикувани за својата историска улога – но сепак сите нив ги поврзува фактот што покрај тоа што биле американски претседатели, биле и правници.
Исторскиот приказ на американското претседaтeлствување говори дека повеќе од половината претседатели на САД припаѓале на правничката професија.
Голем дел од нив дипломирале на престижните американски правни факултети и работеле во угледни адвокатски канцеларии, но со оглед на историските околности, постојат и такви кои го практикувале правото како самоуки правници, а сепак видно истакнувајќи се во професијата и политиката, каков што е случајот со Абрахам Линколн.
Некои од нив се препознааваат низ историјата и како видни филозофи каков што е примерот со Џејмс Медисон, според кого некои права како што се право на судење од поротен суд се социјални права кои не потекнуваат од природните права нити пак од позитивното право туку од општествениот договор од кој владата ја изведува нејзината власт. Други пак, низ поновата историја не може да се препознаат по филозофско-теоретски контрибут во правната наука и емпирија, но затоа пак се препознааваат по бројните скандали кои го одбележаа нивниот мандат.
Дипломирани или самоуки правници, со или без „холивудски“ сјај на мандадот, филозофи идеалисти или политички прагматичари, доследни или недоследни почитувачи на вредностите на Декларацијата за независност и природните права, останува впечатокот дека правото во САД останува „најдржавничката професија“, факт што „нескромно“ може копмаративно да се констатира и за Македонија каде после нејзината независност тројца правници биле шефови на државата.
Правниците кои претседaтeлствуваа со САД:
1. Џон Адамс (Harvard law), мандат: од 1787 до 1801, политичка определба: Федералист
2. Томас Џеферсон (College of William & Mary), мандат: 0д 1801 до 1809, политичка определба: Демократ – републиканец
3. Џејмс Медисон (College of New Jersey), мандат: од 1809 до 1817, политичка определба: Демократ – републиканец
4. Џон Квинси Адамс (Harvard law), мандат: од 1825 до 1829, политичка определба: Демократ – републиканец
5. Ендрју Џексон (самоук правник), мандат: од 1829 до 1837, политичка определба: Демократ
6. Мартин Ван Бурен (Kinderhook Academy), мандат: од 1837 до 1841, политичка определба Демократ
7. Џон Тајлер (College of William & Mary), мандат: од 1841 до 1845, политичка определба: Виговец
8. Џејмс Полк (University of North Carolina), мандат: од 1845 до 1849, политичка определба: Виговец
9. Милард Филмор (New York Judge Walter Wood), мандат: од 1850 до 1853, политичка определба: Виговец
10. Франклин Пирс (Bowdoin College), мандат: од 1853 до 1857, политичка определба: Демократ
11. Џејмс Буканан (Dickinson College), мандат: од 1857 до 1861, политичка определба: Демократ
12. Абрахам Линколн (самоук правник), мандат: од 1861 до 1865, политичка определба: Демократ
13. Радерфор Хејс (Kenyon College, Harvard law), мандат: од 1877 до 1881, политичка определба: Републиканец
14. Честер Артур (Union College), мандат: од 1881 до 1885, политичка определба: Републиканец
15. Гровер Кливленд (Buffalo, New York, Law firm of Rogers, Bowen, and Rogers ), мандат: од 1885 до 1889, политичка определба: Демократ
16. Бенџамин Харисон (Miami University), мандат: од 1889 до 1893, политичка определба: Републиканец
17. Вилијам МекКинли (Allegheny College, Albany law), мандат: од 1897 до 1901, политичка определба: Републиканец
18. Вилијам Тафт (Yale, Cincinnati law), мандат: од 1909 – 1913, политичка определба: Републканец
19. Вудро Вилсон (College of New Jersey), мандат: од 1913 до 1921, политичка определба: Демократ
20. Келвин Кулиџ (Amherst), мандат: од 1923 до 1229, политичка определба: Републиканец
21. Френклин Рузлвелт (Harvard, Columbia law), мадат: од 1933 до 1945, политичка определба: Демократ
22. Ричард Никсон (Whittier College, Duke law), мандат: од 1963 до 1969, политичка определба: Републиканец
23. Џералд Форд (University of Michigan, Yale law), мандат: од 1974 до 1977, политичка определба: Демократ
24. Бил Клинтон (Georgetown University, Yale law), мандат: од 1993 до 2001, политичка определба: Демократ
25. Барак Обама (Columbia, Harvard law), мандат: од 2009 – во тек, политичка определба: Демократ
М.В/ veljanoskim@akademik.mk Објавено: 26.03.2014