Обвинетите од Пајажина се надеваат на укинување на првостепената пресуда – заврши јавната седница на Апелација
Понеделник, 21 јануари 2013 – Заврши јавната седница на Апелациониот суд Скопје на која се расправаше по жалбите на 23-та првостепено осудени во предметот за случајот „Пајажина“. Обвинетите и нивните бранители ги образложија жалбите, побараа укинување на првостепената пресуда и враќање на предметот на повторно судење.
Апелационите судии да донесат фер одлука и да ја укинат првостепената пресуда, побаара обвинетите во случајот „Пајажина“ на последниот, трет ден од јавната седница.
Првообвинетиот Велија Рамковски кој со првостепената пресуда беше осуден на 13 години затвор е песимист, според него дека целта на случајот Пајажина бил да се затвори А1 телевизија. Со сличен став е и неговата ќерка, Емел Рамковска која е осудена на 6 години затвор, негираше дека сторила била какво криминално дело.
И другите обвинети истакнаа дека пресудата ги чинела многу и се приклучија кон барањата на адвокатите да се укине првостепената пресуда. Се очекува кон крајот на наредниот месец Апелациониот суд да се изјасни по жалбите на обвинетите.
Обвинет | Единствена затворска казна | Парична казна |
1. Велија Рамковски | 13 години | 5000 евра |
2. Амди Рамковски | 6 години | 4000 евра |
3. Жаклина Георгиевска | 6 години | 3000 евра |
4. Невин Рауф | 6 години | 5000 евра |
5. Зоран Мицевски | 6 години | 4000 евра |
6. Емел Рамковска | 6 години | 5000 евра |
7. Хеди Рамковски | 7 години | 4000 евра |
8. Дарко Перушевски | 5 години, 6 месеци | 4000 евра |
9. Ибрам Ибраими | 3 години | / |
10. Ѓултен Џемаили | 5 години | 4000 евра |
11. Жарко Стојановски | 3 години, 6 месеци | 3000 евра |
12. Неше Рамиз | 7 години | / |
13. Славица Маринковска | 6 години | 4000 евра |
14. Наташа Крстановска | 4 години | 3000 евра |
15. Слободан Пејовски | 4 години | 3000 евра |
16. Рамадан Ибраими | 7 години | 3000 евра |
17. Анета Кочишки | 2 години, 3 месеци | 3000 евра |
18. Рамадан Чичек | 6 години | 4000 евра |
19. Бранко Пишев | 6 години | 4000 евра |
20. Александар Дамовски | 2 години – условна | 2000 евра |
21. Јасмин Латифовиќ | ослободителна | / |
22. Марјан Танчевски | ослободителна | / |
23. Муамет Амди | ослободителна | / |