Одложен состанокот во врска со Законот за нотаријатот
Работниот состанок по повод Законот за нотаријат кој денеска требаше да се одржи во Министерството за правда и кој претставува продолжување на иницијалниот состанок што на 13.03.2018 се одржа во Владата на РМ, е одложен, известуваат од АКРМ.
За потсетување, претседателот на Адвокатската комора на РМ, Никола Додевски, на минатиот состанок повторно во писмена форма ги достави предлозите на АКРМ за задржување на учеството на адвокатите во сите постапки. Со цел проучување на предлозите на АКРМ од страна на останатите инволвирани страни, состанокот тогаш беше одложен за денеска – 22.03.2018.
М.В