Одложено судењето за случајот „Поткуп“. Заев бил на службено патување
Како што информираше судијката Дијана Груевска-Илиевска, на 12 септември примиле известување од бранителот на Заев дека Заев ќе отсуствува бидејќи е на службено патување во Тирана, каде што учествува на состанокот за мониторинг на Парламентарното собрание на Советот на Европа.
Лидерот на СДСМ, Зоран Заев, денеска не присуствуваше на главната расправа за предметот „Поткуп“ во кој се јавува како обвинет.
Како што информираше судијката Дијана Груевска-Илиевска, на 12 септември примиле известување од бранителот на Заев дека Заев ќе отсуствува бидејќи е на службено патување во Тирана, каде што учествува на состанокот за мониторинг на Парламентарното собрание на Советот на Европа.
На рочиштето не присуствуваше ниту бранителот на Заев, Филип Медарски, и сведокот Иван Николов.
Следното рочиште е закажано за 22 ноември.
Заев, според Обвинителството, во својство на службено лице градоначалник на Општина Струмица, од струмичкиот бизнисмен Иван Николов побарал поткуп од 163 924 евра, односно по 2 евра за еден метар квадратен градежно земјиште во Струмица, за кое Николов бил заинтересиран да го приватизира. Според обвинението, половина од парите биле наменети за Заев, а другата за изградба на црква во Струмица.
