Судскиот совет денеска едногласно ја избра Павлина Црвенковска за нов претседател на Судскиот совет. Новата претседателка на Советот упати порака до судиите да работат чесно и одговорно. Сите што работат така, нагласи таа, во мене ќе имаат сојузник. За член на Судскиот совет Црвенковска беше избрана кон крајот на минатата година.

Во биографијата на Црвенковска е наведено дека претходно била советник во Владата, била раководител во Министерството за одбрана, а работела и како адвокат. Официјалната биографија на Црвенковска може да се погледне на следниот линк.

Судскиот совет е самостоен и независен орган на судството. Советот ја обезбедува и ја гарантира самостојноста и независноста на судската власт преку остварување на своите функции во согласност со Уставот и законите. Советот е составен од 15 члена и со него раководи претседателот на Судскиот совет.

Судскиот советник Павлина Црвенковска нов член на Судскиот совет

М.В