Претседателот на државата, Стево Пендаровски, во Собранието поднесе предлози за избор на два члена во Судскиот совет. Пендаровски за членови на Судскиот совет ги предлага Весна Дамева и Селим Адеми. Биографиите на Дамева и Адеми се објавени на веб-страницата на Собранието. Дамева е дипломиран правник со положен правосуден испит и стручен соработник во Кривичниот суд. Адеми е дипломиран правник со положен правосуден испит и магистер на науки и актуелен член на Судскиот совет.

Според Законот за Судскиот совет, двајца членови на Советот предлага претседателот на Република Северна Македонија, а изборот го врши Собранието на Република Северна Македонија, од кои еден е припадник на заедниците кои не се мнозинство во Република Северна Македонија.

Предлогот за избор на членовите на Судскиот совет е на дневен ред на денешната собраниска седница.

М.В