Поради големиот интерес, Академик повторно организира обука за јавните набавки на тема  „Доделување договори за јавни набавки, основано издавање негативна референца, правна заштита и најважни новини предвидени во Нацрт-законот за јавните набавки“. Предавач на обуката ќе биде Маја Малахова, претседател на Државната комисија за жалби по јавни набавки.

Доделувањето на договорите за јавни набавки преку соодветната постапка и избор на соодветно средство за правна заштита е комплексна задача од сериозна одговорност и важност, како за договорните органи така и за економските оператори.

Целта на обуката на Академик е да стекнете практични вештини и знаења за полесно справување со предизвиците во постапките, да добиете одговор на вашите прашања и дилеми во поглед на јавните набавки и подготвени да ги дочекате новините што ги предвидува новиот Нацрт-закон за јавните набавки.

Обуката ќе се одржи на 19.4.2018 година (четврток), од 10:00 до 15:00 часот во новоотворениот Центар за обуки Академик, кој се наоѓа во Скопје, во централното градско подрачје, на ул. „ВМРО“ бр. 1.

Агенда на обуката:

ПОСТАПКИ ЗА ДОДЕЛУВАЊЕ ДОГОВОРИ ЗА ЈАВНИ НАБАВКИ И БИТНИ ПОВРЕДИ НА ЗАКОНОТ

Видови постапки за доделување договори за јавни набавки;

• Заеднички одредби;
• Карактеристики, специфики и услови за примена на секоја од постапките;
• Улога на Комисијата за јавни набавки;
• Надлежности на одговорното лице за јавни набавки;
• На што да се внимава пред отпочнувањето на постапката;
• Грешки при изработката на тендерската документација;
• Пропусти при отворање и евалуација на понудите;
• Правила за објавување на огласот за јавна набавка;
• Непостапување по решенијата и насоките од Комисијата за жалби по јавни набавки;
• Битни повреди при изборот на понудата;
• Минимални рокови за потпишување на договорот.

НЕГАТИВНА РЕФЕРЕНЦА И ПРАВНА ЗАШТИТА ВО ПОСТАПКИТЕ ЗА ЈАВНИ НАБАВКИ

• Значење на негативната референца;
• Услови за издавање на негативна референца;
• Ефект на негативната референца врз економскиот оператор;
• Заштита од незаконско издавање на негативна референца;
• Основ за отстранување на негативната референца;
• Право за барање правна заштита;
• Елементи на жалбата и начин и рокови за поднесување на жалбата;
• Учество на договорниот орган во постапката по жалба, негови права и обврски;
• Дејство на жалбата;
• Видови одлуки на Комисијата, насоки за постапување кон договорниот орган;
• Право на судска заштита.

НОВИНИ ПРЕДВИДЕНИ ВО НАЦРТ-ЗАКОНОТ ЗА ЈАВНИТЕ НАБАВКИ

• Исклучоци од примена и нови вредносни прагови за примена на законот;
• Воведени нови видови постапки за доделување договори за јавни набавки;
• Функција на динамичен систем за набавки;
• Проширување на надлежностите на Комисијата;
• Што се предвидува како битна повреда на законот;
• Нови рокови за поднесување на жалба;
• Можност за определување времени мерки;
• Кога се смета решението од Комисијата за конечно;
• Воведување на парични казни за договорните органи;
• Уредување на правото на судска заштита;
• Предвидување можност за надомест на штета.

На обуките учесниците добиваат сертификат за учество, бесплатни материјали, кафе, вода и премиум закуска за време на паузите.

Цената за учество на една обука за едно лице е 4.200,00 денари + ДДВ, а корисниците на www.akademika.com.mk имаат 10 % попуст.  Сите заинтересирани можат да се пријавуваат за обуките преку е-пошта на електронската адреса practicum@akademik.com.mk, а сите дополнителни информации може да се добијат на телефоните +389 02 3221 091 и +389 02 3237 465.

Обуки во организација на Академик за месец април