Министерството за транспорт и врски најавува измени на повеќе закони од областа на комуналните дејности и од областа на урбанизмот и транспортот. Целта на законските измени е усогласување со Законот за инспекциски надзор, како и усогласување со Законот за прекршоците.

Измени ќе претрпат: Законот за комуналните дејности; Законот за снабдување со вода за пиење и одведување на урбани отпадни води; Закон за автокампови; Законот за урбано зеленило и Законот за внатрешната пловидба.

Законот за снабдување со вода за пиење и одведување на урбани отпадни води ги уредува условите и начинот за снабдување со вода за пиење, прекинување на снабдувањето  со вода за пиење и одведување на урбани отпадни води во реципиентот преку водоснабдителниот и канализациониот систем, изградбата, одржувањето, заштитата и приклучувањето на водоснабдителни и канализациони системи, односите меѓу давателот и корисникот на услугата, како и надзор над спроведувањето на овој закон.

Со Законот за автокампови се уредуваат начинот и постапката за основање на автокамп, постапката за отуѓување на градежното земјиште наменето за автокамп, условите кои треба да ги исполнат корисниците на автокамповите, како и други прашања поврзани со автокамповите.

Со Законот за урбано зеленило се уредува планирањето, проектирањето, подигањето, одржувањето, заштитата и реконструкцијата на урбаното зеленилото, финансирањето и управувањето со него, како и надзорот над примената на одредбите на овој закон.

Законот за внатрешна пловидба ги уредува внатрешната пловидба и безбедноста на пловидбата на внатрешните води на територијата на Република Македонија; условите и начинот на користењето, одржувањето и заштитата на пловните патишта, пристаништата, зимовниците, сидриштата и капалиштата; државната припадност, идентификацијата, уписот и бришењето на пловните објекти; екипажот на пловните објекти; постапувањето во случај на пловидбена незгода; вадењето на потонати предмети; надлежноста на Капетанијата на пристаништата; надзорот и други прашања во врска со внатрешната пловидба.

Законот за инспекциски надзор ги уредува условите и начинот на издавање и одземање лиценца за инспектор, правата и должностите на инспекторите, основите за организација и работа на инспекциските служби, основните права и обврски на субјектите на инспекциски надзор, основањето, статусот и работата на Инспекцискиот совет, начинот и постапката на вршење инспекциски надзор, како и други прашања кои се однесуваат на инспекцискиот надзор.

Со Законот за прекршоците, пак, се уредуваат општите услови за пропишување на прекршоците и прекршочните санкции, општите услови за утврдување на прекршочната одговорност, за изрекувањето и извршувањето на прекршочните санкции и се пропишуваат прекршочните постапки.

Повеќе закони за урбанизмот ќе се усогласуваат со Законот за инспекциски надзор

Законот за занаетчиство ќе се усогласува со Законот за инспекциски надзор и со Законот за прекршоците

Во подготовка измени на Законот за Царинската управа

Усогласување на законите за едношалтерскиот систем и за трговските друштва со Законот за прекршоците