/Прочитано:

341

„Правда за штедачи“: Игнорирање на Одлуката на Уставен суд значи силување на правдата

„Што може да правите кога Основниот граѓански суд Скопје игнорира одлука на Уставен суд и не ја спроведува во дело? Ова прашање секојдневно го поставуваат над 3.000 семејства во државава, кои се директно оштетени од нефукционалноста на системот во којшто судската власт е неговата основа. Едноставно, Основниот граѓански суд Скопје молчи и не постапува повеќе од четири месеци откако се донесе Одлуката од Уставниот суд со која се укина членот 163 став 3 од Законот за банки. Со укинување на оваа неуставна одредба, Фондот за осигурување на депозити законски го нема првенството во наплата на парични средства од стечајната маса пред сите други доверители ниту пак е веќе доверител за средствата исплатени до 30.000 евра во стечајната постапка на Еуростандард банка.

И покрај тоа што таа законска одредба веќе не постои во правниот промет во државава, Основниот граѓански суд Скопје го игнорира овој факт. Ниту постапува по службена должност да ги укине сите поединечни акти донесени врз основа на оваа одредба во стечајната постапка на Еуростандард банка во стечај, ниту пак се произнесе на барањето на оштететните доверители да ја спроведе оваа одлука на Уставниот суд. Напротив, молчи и игнорира.

Дали постои механизам да се спречи ова силување на правдата од страна на Основниот граѓански суд Скопје? Дали може да се толерира вакво силеџинство од судската власт во земјава, од оние кои се должни да ги штитат и спроведуваат законите? Какво тоа општество имаме кога судската власт е таа која не ги почитува и уште повеќе, ги прекршува законите и Уставот во државата? Знае ли Основниот граѓански суд Скопје што значи непочитување на одлука на Уставен суд? Знае ли стечајниот судија на Еуростандард банка колку граѓани се оштетени и континуирано се оштетуваат директно со неспроведување на одлуката на Уставниот суд со која се укина неуставната одредба?

Токму тој суд кој се нарекува „граѓански“ ги оштетува граѓаните за којшто истиот постои и од кои граѓани тие „граѓански“ судии се платени. Со молк и игнорирање на одлука од највисоката судска инстанца во државата. Зошто не ја спроведуваат одлуката за која Основниот граѓански суд Скопје е надлежен? Зошто судот молчи?

Не може да има држава без владеење на правото. Без ова основно начело на колективно однесување и правила на делување нема ниту држава ниту уредување. Има безредие. А тоа се случува и поради низа политичко-криминално-коруптивни спреги и влијанија во кои е длабоко навлезена и судската власт во државава. Повторниот обид да се украдат личните парични средства на граѓаните и фирмите во стечајната постапка на Еуростандард банка е дел од ова милје во кое главна улога, овој пат, има токму таа судска власт.

Меѓународната заедница го следи процесот на Еуростандард банка во стечај. И тие се прашуваат како е можно Основниот граѓански суд Скопје да не ја почитува и не ја спроведува Одлуката на Уставниот суд. Токму таквото однесување од судската власт во оваа држава, нешто што е незамисливо во земјите од Европската унија, таму каде сакаме да станеме членка, ја држи во заложба целата држава.

Бараме и очекуваме Основниот граѓански суд Скопје веднаш да постапува по Одлуката на Уставен суд. Тоа е основа на која почива понатамошниот процес на стечајната постапка на Еуростандард банка во стечај. Нема да дозволиме да бидеме покрадени во стечајната откако веќе не покрадоа од менаџментот на Еуростандард банка со поддршка од Народната банка“, се вели во соопштението.

Прес-конференција на „Правда за штедачи“ пред Апелациониот суд

Здружението „Правда за штедачи” оствари средба со Делeгацијата на Европската унија

„Правда за штедачи“: Само со почитување на правната држава проблемот на Еуростандард банка ќе се реши на задоволство на сите

„Судот треба да ги запре од извршување сите акти во кои Фондот за осигурување на депозити е утврден како доверител“ – Љупчо Кузмановски, адвокат

„Правда за штедачи“: Зошто Министерството за финансии поддржува судир на интереси и ги оштетува доверителите на Еуростандард банка?

„Правда за шедачи“: Дали фирмите коминтенти знаат дека при пропаѓање на банка ги губат и сите пари на тековните сметки?

„Правда за штедачи“: Владата да го усвои нашиот предлог за измени на Законот за банки

Последиците предизвикани со Одлуката на Уставниот суд за укинување на членот 163 ставот 3 од Законот за банки по стечајната постапка за Еуростандард банка

„Јавниот интерес подразбира заштита на правата на граѓанинот“ – Одлуката на Уставниот суд во врска со Законот за банките

Правда за штедачи: Со одлуката на Уставниот суд обичниот граѓанин добива најмногу

Измени на Законот за банките за правниот вакуум по одлуката на Уставниот суд

Уставниот суд го укина член 163 став 3 од Законот за банките

„Правда за штедачи“ бара Државниот завод за ревизија да направи контрола на работењето на Фондот за осигурување на депозити

Здружението на оштетени штедачи објавува соопштение со контрааргументи за издвоеното мислење на четворицата уставни судии

Издвоено мислење на неколку уставни судии во врска со постапката за членот 163 ставот 3 од Законот за банките

Решението на Уставниот суд за поведувањето постапка за член 163 став 3 од Законот за банките

Уставниот суд поведе постапка за членот 163 ставот 3 од Законот за банките

Што и како се осигурува во Фондот за осигурување на депозити

Членот 163 од Законот за банките повторно на разгледување пред Уставниот суд

Уставниот суд ќе расправа за членот 163 од Законот за банките по изјаснувањето на Антикорупциската комисија

Членот 163 од Законот за банките, кој е оспорен пред Уставниот суд

Уставниот суд е пред историска одлука за ставање крај на безредието во банкарскиот систем, велат оштетените штедачи

Истрага за четири одговорни лица во Еуростандард банка

ФОД: Досега исплатени 3,2 милијарди денари на депонентите на „Еуростандард банка“

Обвинителен акт против девет лица за перење на над девет милиони евра

Одложено рочиштето за стечајната постапка над Еуростандард банка

ФД: Oбесштетувањето на депонентите на „Еуростандард банка“ се одвива без поголеми пречки

Управниот суд ја отфрли тужбата од „Еуростандард банка“

На 15 септември започнува обесштетувањето на депонентите на „Еуростандард банка“ со право на обесштетување

Соопштение на Фондот за осигурување на депозити до депонентите во „Еуростандард банка“

ДКСК: Случајот со Ангеловска проблематичен од етички аспект, потребни се законски измени

Стечајна постапка за Еуростандард банка: Интервју со Дејан Костовски, експерт за стечај

Банки преку кои ќе се врши исплатата на обесштетувањето на депонентите на Еуростандард банка

Определен е стечаен управник за Еуростандард банка и закажано е рочиште за пријавените побарувања

Народната банка: Го штитиме интересот на граѓаните и ги преземавме сите мерки за заштита на депонентите на Еуростандард банка

М.В