Преку унапредување на арбитражното право до подобро деловно опкружување
Со унапредувањето на арбитражното право ќе има подобро деловно опкружување, беше потенцирано на денешната Меѓународна арбитражна конференција, која ја организира Постојаниот избран суд – Арбитража при Стопанската комора на Македонија, со поддршка на Централно-европската иницијатива (ЦЕИ) и Амбасадата на Швајцарија.
„Арбитражата, со многубројните предности во однос на редовните судови, изминатите години се докажа како брз, економичен и ефикасен механизам за решавање на споровите, кој ѝ е потребен на бизнис-заедницата, додека настаните од ваков карактер се неопходни за компаниите и пошироката јавност да се запознаат со модерните трендови од областа на арбитражното право и перспективите за натамошен развој на арбитражното решавање на споровите во нашата држава“, беше истакнато на денешниот настан.
Постојаниот избран суд – Арбитража при Стопанската комора на Македонија во рамките на своето работење континуирано се залага за афирмирање и развој на арбитражата како алтернативен метод за решавање на споровите во бизнис-секторот.
На денешниот настан пред претставниците на бизнис-заедницата, правосудната и универзитетската фела се обратија претседателот на Постојаниот избран суд – Арбитража, д-р Горан Рафајловски, и заменикот на претседателот на Владата задолжен за економски прашања и за координација со економските ресори, д-р Кочо Анѓушев, како и амбасадорката на Швајцарија во Северна Македонија, Сибил Сутер Техада.
Компаниите недоволно ја користат арбитражата
Координативно тело ќе ги следи арбитражните постапки произлезени од меѓународни договори
Во светот дури 80% од стопанските спорови се решаваат по пат на арбитража
„Арбитражата во корист на бизнис заедницата“ – Меѓународна конференција во Софија
Советите на правните застапници се клучни при алтернативното решавање на трговските спорови
Правната култура и довербата се клучни за арбитражното решавање на споровите
М.В