Сашо Мијалков, осомничен во „Трезор“ дојде на распит во Кривичниот суд
Токму напладне, во Кривичниот суд на сослушување за случајот „Трезор“ дојде поранешниот директор на Управата за безбедност и контраразузнавање Сашо Мијалков, потврдија од Основниот суд Скопје 1-Скопје.
Во случајот „Трезор“ за оштетување на државниот буџет од 826 илјади евра осомничени се три лица од Управата за безбедност и контраразузнавање и едно лице од Министерството за внатрешни работи.
Кон крајот на септември, СЈО побара од Основниот суд Скопје 1-Скопје да изрече мерки на претпазливост, односно одземање на патните исправи за три лица осомничени во „Трезор“.
Поранешниот директор на УБК е осомничен и за случајот „Тортура“ за приведувањето на поранешниот министер за внатрешни работи Љубе Бошкоски.
