Министерството за правда подготвува нов Закон за вештачење. Причината за донесување на законот произлегува од потребата за ревидирање на системот на судско вештачење во насока на зголемување на ефикасноста и воспоставување на функционален систем за судско вештачење.

Целта на законот, нагласуваат од Министерството, е да се зголеми ефикасноста и да се воспостави функционален систем за судско вештачење.

Со постојниот Закон за вештачење се уредуваат вршењето на вештачење, областите, условите и начинот на вршењето на вештачењето, субјектите кои вршат вештачење, условите и постапката за полагање на стручен испит за издавање, продолжување, престанок или за одземање на лиценца за вештачење за вршење на вештачење од соодветна област, наградата и надоместокот на трошоците за извршеното вештачење, основањето, надлежноста, организацијата и работењето на Комората за вештаци, надлежностите на Бирото за судски вештачења, организацијата и работењето, како и други прашања од значење за судските вештачења, супервештачења, процени и грижа за унапредување на работите на вештачењето.

М.В