Бирото за метрологија е орган во состав на Министерството економија. Бирото е наследник на поранешната Служба за стандардизација и метрологија, со својство на правно лице.

Бирото ги извршува работите и задачите од областа на метролошкиот систем на Република Македонија, кои се однесуваат на:

• надзор над употребата и начинот на пишувањето на законските мерни единици;
• обезбедување на следливост, и остварување, чување и одржување на националните еталони и сертифицираните референтни материјали;
• обезбедување на следливост на референтните еталони;
• калибрација на еталони и мерила;
• учество во постапката за акредитација на лаборатории за калибрација и тестирање врз основа на Законот за акредитација;
• надзор над работењето на правните лица овластени за извршување на одделни работи од областа на метрологијата;
• оцена на сообразноста на типот на мерилата;
• верификација на мерилата;
• постапка за регистрација за признавањето на важноста на ознаките и сертификатите за сообразност на типот на мерилата и ознаките и жиговите, односно сертификатите за верификација на мерилата од странско потекло;
• метролошки надзор над количините и означувањето на пакуваните производи;
• стручен надзор над примената на одредбите од овој Закон за метрологија и прописите донесени врз основа на овој и други закони;
• постојан тренинг и едукација на вработените во Бирото и во овластените правни лица;
• дефинирање на работате и задачите на метролошкиот совет и учество во неговата работа;
• консалтинг услуги за потреоите на правните и физичките лица кои вршат промет или употреба на мерила и
• соработка со други инспекциски органи и други работи и задачи во врска со спроведувањето на Законот за метрологија и прописите донесени врз основа на овој закон.