Видовите, условите, организацијата и начинот на приредување на игри на среќа и забавни игри во Република Mакедонија се уредуваат со Законот за игри на среќа и за забавните игри.

• Игрите кои не се уредени со Законот за игри на среќа и за забавните игри не се сметаат за игри на среќа и игри за забава и е забрането да се приредуваат.

Игрите на среќа и забавните игри се организираат заради забава на учесниците во играта, како и за стекнување средства што се приход на Буџетот на Република Македонија.

• Приходот во Буџетот остварен од игрите на среќа и од забавните игри, првенствено се користи за финансирање на одредени годишни програми и задачи на здруженија на граѓани (програмите на Здруженија на хендикепирани лица, спортот и за Црвениот крст на Република Македонија).
• Износот на средствата се определува на 50% од вкупниот приход од игрите на среќа и забавните игри утврден во претходната календарска година, но не помалку од 60.000.000 денари и не повеќе од 120.000.000 денари.
• Распределбата на средствата ја врши Владата на Република Македонија, врз основа на поднесените програми од страна на Министерството за труд и социјална политика.
• Учесници во игрите на среќа и во забавните игри можат да бидат лица кои ги исполнуваат условите пропишани со Законот и со правилата на игрите.
• Приредувањето на игрите на среќа е право на Република Македонија кое согласно Законот може да го пренесе на други приредувачи на игри на среќа.