Националната агенција со остварување на програмите придонесува во развојот на заедницата како општество засновано на напредно знаење, со одржлив економски развој, повеќе и подобри работни места и поголема социјална кохезија, истовремено обезбедувајќи заштита на средината за идните генерации а особено размена, соработка и мобилност во областа на образованието и обуката.

Надлежности на Националната агенција за европски образовни програми и мобилност

• придонесува во развојот на заедницата како општество засновано на напредно знаење, со одржлив економски развој, повеќе и подобри работни места и поголема социјална кохезија, истовремено обезбедувајќи заштита на средината за идните генерации, а особено размена, соработка и мобилност во областа на образованието и обуката;
• придонесува кон развивање на квалитетно доживотно учење и промовира одличност, иновација и европска димензија на системите и практиките од областа;
•  помага при подобрувањето на квалитетот, атрактивноста и пристапноста на можностите за доживотно учење достапно во земјите учеснички во програмите;
• го зајакнува придонесот за доживотното учење преку социјална кохезија, активно граѓанство, меѓукултурен дијалог, еднаквост на половите и лична исполнетост;
• помага при унапредувањето на креативноста, конкурентноста, вработувањето и порастот на претприемачкиот дух;
•  придонесува кон зголемено учество во доживотното учење на луѓе од различни возрасти, вклучувајќи ги и оние со посебни потреби и обесправените групи, без оглед на нивната социјално-економска положба;
• го промовира учењето јазици и јазичната разновидност;
• го поддржува развојот на иновативните содржини засновани на информатичката и комуникациската технологија, услуги, педагогии и практика за доживотно учење;
•  ја зајакнува улогата на доживотното учење во создавање на чувство за европско граѓанство засновано на разбирање и почитување на човековите права и демократијата и охрабрување на толерантноста и почитта кон другите народи и култури;
• ја поттикнува соработката на сите сектори за образование и обука во Европа со цел да обезбеди квалитет;
•  ја поттикнува најдобрата употреба на резултати, иновативни производи и процеси и ги разменува функционалните практики од областите опфатени од Програмата за доживотно учење, со цел да го подобри квалитетот на образованието и обуката;
•  објавува огласи за користење на програмите;
•  ги информира граѓаните за работите поврзани со програмите, преку средствата за јавно информирање, изготвување билтени, интернет страница или на друг начин.