Националната агенција за нуклеарни технологии на Република Македонија се основа  заради развивање на технологии и истражувања во областа на нуклеарната физика, физиката на елементарни честици и други истражувања во областа на нуклеарната наука.

  Oсновни надлежности на Агенцијата се:

•  развивање на технологии и истражувања во областа на нуклеарната физика, физиката на елементарни честици и други истражувања во областа на нуклеарната наука,
• учество на Република Македонија во научната програма на Европската организација за нуклеарни истражувања (во натамошниот текст: ЦЕРН),
•  учество на научници, инженери, техничари и друг стручен кадар од Република Македонија во истражувачките проекти на ЦЕРН,
•  развивање апликации за индустријата во Република Македонија,
•  развивање медицински апликации,
•  развивање апликации од областа на енергетиката,
•  изработка на проекти за примена на нуклеарни апликации за мирновременски цели,
•  едукативни активности во областа на нуклеарната наука и технологија, и во други сродни области,
•  соработка со домашни и странски институции и организации од областа на нуклеарните технологии.