Информации
Управа за јавни приходи на РМ
Генерална дирекција
бул. Кузман Jосифовски-Питу бр.1, 1000 Скопје
Тел.
+389 (2) 3299 500; 075/346 986
Факс
+389 (2) 3281 010
Email:
info@ujp.gov.mk
Инфо центар:
0800 33 000
Пријави неправилности::
198
Работно време
од понеделник до петок
од 08:30 до 16:30 часот
Регионални дирекции
Права на потрошувачот – Фискализација
Како купувач на доброто, односно корисник на услугата побарајте фискална сметка во моментот на предавањето и плаќањето на доброто, односно на извршувањето и плаќањето на услугата.
Фискалната сметка претставува потврда дека сте купиле, односно дека сте ја платиле цената на соодветното добро, односно користената услуга од соодветниот деловен објект, на датумот кој е отпечатен на сметката.
Фискални сметки должни се да издаваат:
- даночниот обврзник (продавач) кај кој сте извршиле промет, односно сте купиле добра или сте користеле услуги за кои сте платиле во готови пари;
- даночниот обврзник, при плаќање на доброто или услугата со платежна картичка;
- за продажба на добра на познат купувач при плаќање во готово, покрај фактура и испратница треба да се издаде и фискална сметка;
- возачите на такси возила се должни да употребуваат фискален таксиметар и да издаваат фискална сметка на секој свој патник;
- приредувачот на културно-спортска или друга манифестација кој продава билети, влезници и слично, за кои наплаќа во готово и
- даночниот обврзник, без разлика дали е регистриран или не е регистриран за целите на ДДВ, за прометот во готово должен е да издава фискални сметки.
– Корисниците на тезги на зелените пазари ќе отпочнат со фискализација од моментот на пристапување на Република Македонија во Европската унија.
Даночниот обврзник е должен, на видно место да постави соопштение со кое го информира купувачот на доброто, односно корисникот на услуга за неговата обврска да бара фискална сметкa.
Фискални сметки не се должни да издаваат:
- Даночните обврзници (паушалисти) кои данокот од доход за приходите од вршење на дејност го плаќаат според паушално утврден нето приход, освен таксистите;
- Граѓаните/физичките лица кои издаваат под закуп станбен или деловен простор;
- Лица кои не се трговци за прометот на непреработено и сопствено земјоделско производство што го вршат на тезги на пазари, како и надвор од пазарите;
- Лица кои вршат дејности во објекти што се наоѓаат во населени места со број на жители под 300 луѓе и кои се сместени во високопланински и тешко достапни места, со исклучок на туристички места;
- Колпортери – лицата кои вршат улична продажба на весници и списанија/колпортерска продажба; и
- Лицата кои вршат континуиран промет, за кој издаваат сметки и за кој се предвидени последователни плаќања (испорака на струја, вода, телефонски услуги, греење и ладење и друго).
Во случај на престанок на електричната енергија или кога фискалниот апарат е оштетен, продавачот прометот задолжително го евидентира на парагон блокови.
- Исклучок е продажбата на нафта и нафтени деривати на мало која треба да се врши исклучиво преку електронски систем со фискална меморија за регистрирање на прометот на нафта и нафтени деривати на мало и истиот се блокира при нарушена врска во системот.
- Проверете дали парагон блокот кој ви го издал продавачот е видливо заверен со печат од Управата за јавни приходи, во спротивно истиот не е валиден и нема да може да ви послужи како доказ во остварување на вашите права како потрошувач/купувач.