За учество во сообраќајот на патиштата, возилата треба да бидат:

• да бидат означени со налепница;
• регистрирани;
• да имаат важечка сообраќајна дозвола или важечка потврда за пробно возење;
• треба да бидат означени со пропишани регистарски таблици.

Опис на постапка

1. Регистрација на автобус се врши со запишување на регистарската ознака и на определени податоци за возилото и сопственикот, односно носителот на правото на користење на возилото, во пропишаната евиденција за регистрираните возила .
2. Регистрација на возилата се врши според живеалиштето , односно седиштето на сопственикот, односно носителот на правото на користење на возилото.
3. Возилото се регистрира:

• на името односно називот на сопственикот, односно носителот на правото на користење ( физичко или правно лице );
• доколку возилото е сопственост на повеќе лица, се регистрира на името односно називот на едно од тие лица врз основа на нивна писмена спогодба заверена од нотар .

Регистрацијата важи една година, што значи треба да се обновува, односно продолжува секоја година .

Потребни документи

• барање за регистрација;

• фактура за купопродажба;

• царинска потврда (доколку е увезено), подмирени такси и други давачки пропишани со закон;

• хомологација;

• доказ за техничка исправност на возилото  не постар од 30 дена;

• лична карта и присуство на сопственикот (физ. лица) , односно известување за распоредување (прав. лица) и

• потврда за баждареност од тахографот.