Информации

Надлежен орган: Министерство за внатрешни работи
Сектор: Управно надзорни работи
Одделение: Управни работи
Локации: Станици за технички преглед на територија на РМ

Регистрација на товарни возила

За учество во сообраќајот на патиштата, товарните возилата треба да бидат:

  • да бидат означени со налепница,
  • регистрирани,
  • да имаат важечка сообраќајна дозвола или важечка потврда за пробно возење и
  • треба да бидат означени со пропишани регистарски таблици.

Опис на постапка

  1. Регистрацијата на товарни возила се врши со запишување на регистарската ознака и на определени податоци за возилото и сопственикот, односно носителот на правото на користење на возилото, во пропишаната евиденција за регистрираните возила.
  2. Регистрација на возилата се врши според живеалиштето , односно седиштето на сопственикот, односно носителот на правото на користење на возилото
  3. Возилото се регистрира:
  • на името односно називот на сопственикот, односно носителот на правото на користење (физичко или правно лице ),
  • а доколку возилото е сопственост на повеќе лица, се регистрира на името односно називот на едно од тие лица врз основа на нивна писмена спогодба заверена од нотар .

Регистрацијата важи една година, што значи таа треба да се обновува , односно продолжува секоја година .

Потребни документи

  • Барање за регистрација на товарно возило;
  • фактура за купопродажба;
  • царинска потврда (доколку е увезено), подмирени такси и други давачки пропишани со закон;
  • хомологација;
  • доказ за техничка исправност на возилото  – не постар од 30 дена;
  • лична карта и присуство на сопственикот (физ. лица) , односно известување за распоредување (прав. лица) и
  • потврда за баждареност на тахографот (за товарни возила со носивост поголема од 5 тона).