Опис на постапка

1. На еден од шалтерите во станиците за технички преглед на моторни и приклучни возила или МВР лично го поднесувате барањето за регистрација на употребувано моторно или приклучно возило кое било увезено од странство.
2. Кон барањето треба да ги  приложите и другите  документи за остварување на оваа постапка.
3. Доколку возилото повеќе пати било продавано, а не  било пререгистрирано, тогаш меѓу друго треба да се приложат договорите за купопродажба на возилото, извршени помеѓу сопственикот на возилото запишан во странската сообраќајна дозвола и сите подоцнежни сопственици,  до  последниот сопственик.

Потребни документи

• лична карта и присуство на сопственикот (физичко лице);

• известување за распоредување (правно лице);

• странска сообраќајна дозвола за возилото и писмен доказ за извршена одјава на возилото во земјата во која предходно било регистирано;

• договор за купопродажба на возилото или друга соодветна исправа со која  се докажува извршената  промена на сопственоста;

• доказ за регулирани царински и даночни обврски за возилото;

• доказ за сообразност на возилото со хомологациските прописи за возила кои важат во Р Македонија;

• доказ за техничка исправност на возилото кој не може да биде постар од 30 дена и

• уплата за  пропишаните такси и надоместоци, за регистрација на возило како и износот на име цена на чинење на образецот на сообраќајната дозвола и регистарските таблици.