Централниот регистар на Република Македонија  (ЦРМ) е основан како централна информативна база на правни и друг вид релевантни податоци кои се внесуваат во него.  Во делокругот на работата на ЦРМ спаѓаат:

• внесување на податоци (базата на податоци кои се утврдени со Законот за централен регистар се внесуваат во Централниот регистар каде што електронски се обработуваат,обединуваат, селектираат, чуваат и прават достапни до заинтересираните корисници.);
• чување на податоците (обработените, обединетите и класифицираните податоци од Централниот регистар се складираат и чуваат во седиштето на Регистарот) и
• користење на податоците (податоците од Централниот регистар можат да ги користат сите физички и правни лица, домашни и странски, освен ако за некои од нив поинаку не е определено со закон или со договор).