• да решава во втор степен против одлуките на своите совети кога тоа е определено со закон;
• да решава во трет и последен степен по жалбите против одлуките на апелационите судови;
• да решава во втор степен по жалба на одлуките на Управниот суд во случаите предвидени со закон;
• да решава по вонредно правни лекови против правосилните одлуки на судовите и одлуките на своите совети кога тоа е определено со закон;
• да решава за судир на надлежност меѓу основните судови од подрачјето на различни апелациони судови, судир на надлежности меѓу апелационите судови, судир на надлежност меѓу Управниот суд и друг суд и да решава за месна надлежност кај овие судови;
• да одлучува по барање на странките и другите учесници во постапката за повреда на правото на судење во разумен рок, во постапка утврдена со закон пред судовите во Република Македонија и
• да врши други работи определени со закон.

Со организацијата и начинот на работата на Судот треба да се обезбеди законито, непристрасно, чесно и во разумен рок вршење на функцијата, непречено остварување на правата и обврските на странките, без оглед на нивната положба и својство, како и економично остварување на правата и обврските на странките.

• Бројот на судиите во Судот се утврдува со одлука на Собранието на Република Македонија, на предлог на Општата седница на Судот.
• Бројот на работниците се утврдува со Правилникот за систематизација на работите и работните задачи, што го донесува претседателот на Судот согласно со актот на министерот за правда.