Специјалното јавно обвинителство, по една година од функционирањето, денес до Кривичниот суд ќе поднесе  обвинителни предлози против 21 лице за два предмети, информираа денес од СЈО.

Едниот предмет се однесува на уништувањето на документи за да се прикрие незаконското прислушување, а вториот предмет се однесува на протестите пред Општина Центар од 2013 година. Во првиот предмет се опфатени 7 лица кои се осомничени за кривичното дело фалсификување на службена исправа, а во вториот предмет 14 лица кои се осомничени за кривичното дело насилство.

Покрај тоа, СЈО информираше дека се поведени четири истражни постапки против 40 лица.

Во тек е прес-конференцијата на СЈО. Повеќе детали по завршувањето на пресот.