Соопштение на Кривичниот суд во врска со поднесените барања за амнестија
„Заради зголемен интерес на медиумите околу барањата поврзани со Законот за амнестија кои се доставуваат до Основниот суд Скопје 1 – Скопје, ја информираме јавноста дека до денеска напладне пред Кривичниот совет на Одделението за организиран криминал и корупција доставени се 16 комплетирани барања, а во одделот Кривично полнолетни пристигнати се повеќе од 100 барања, но бројката во секој момент се менува бидејќи се очекува во следниот период во Судот да пристигнат и други барања, а откако ќе се утврди дека пристигнатите барања се комплетни, веднаш се распредуваат во работа пред кривичните совети. Со оглед дека советите имаат рок од 5 дена за одлучување, откако ќе бидат донесени соодветни решенија во конкретните барања и откако ќе бидат доставени до надлежните институции, јавноста ќе биде дополнително информирана за конкретната бројка на донесени и доставени решенија“, се вели во соопштението на Кривичниот суд.