/ Прочитано:

1.839

Советот на јавните обвинители ги бара списите за „Пуч“

Од Советот посочуваат дека во членот 7, став 3 од Законот за Јавното обвинителство за гонење на кривични дела поврзани и кои произлегуваат од содржината на незаконското следење на комуникациите е наведено дека: „Јавниот обвинител ќе биде професионално одговорен за стручните и законските дејствија при неговата работа пред Советот на јавните обвинители. Заради разјаснување и согледување на преземените дејствија од страна на јавниот обвинител, истиот е должен да ги достави бараните списи до Советот на јавните обвинители во најкраток можен рок“, се наведува во денешното соопштение од Советот.

???

Советот на јавните обвинители на Република Македонија информира дека, постапувајќи по претставка доставена до него, а во врска со предметот КО. бр. 25/15 на Основното јавно обвинителство за гонење на организиран криминал и корупција – Скопје, познат во јавноста како „Пуч”, на 27-ми овој месец до Кривичниот суд и до Јавното обвинителство за гонење на кривични дела поврзани и кои произлегуваат од содржината на незаконското следење на комуникациите –Скопје поднел барање за доставување на списите по наведениот предмет.

„Јавниот обвинител на ова јавно обвинителство надвор од главна расправа се откажал од гонењето на сите обвинети лица наведени во обвинителниот акт КО. бр. 25/15 од 30.4.2015 година“, се наведува во соопштението од Советот на јавни обвинители.

Од Советот посочуваат дека во членот 7, став 3 од Законот за Јавното обвинителство за гонење на кривични дела поврзани и кои произлегуваат од содржината на незаконското следење на комуникациите е наведено дека:

„Јавниот обвинител ќе биде професионално одговорен за стручните и законските дејствија при неговата работа пред Советот на јавните обвинители. Заради разјаснување и согледување на преземените дејствија од страна на јавниот обвинител, истиот е должен да ги достави бараните списи до Советот на јавните обвинители во најкраток можен рок“, се наведува во денешното соопштение од Советот.