Предметот за случајот „Ровер“ се однесува на убиството на Марјан Тушевски и Киро Јанев што се случи во во Скопје, во јули 2001 година. Основниот суд Скопје 1 во ноември 2014 година, во повторена постапка донесе пресуда со која повторно ги прогласи сите десетмина обвинети за виновни. Имено, поранешниот министер за внатрешни работи  Љубе Бошкоски  за помагање на убиство доби 10,5 години затвор, Зоран Трајковски доби 8,5 години затвор, Сашко Јовановски и Ивица Ристиќ добија по 7 години затвор, додека на Гоце Митревски и Никола Негриевски им беа изречени затворски казни од 6 години затвор.  Првите тројца обвинети, пак, кои според Обвинителството се директните извршители на убиството, во отсуство беа осудени  на доживотна казна затвор. Четвртообвинетиот Вук Вукичевиќ, исто така странски државјанин на кого му се судеше во отсуство, за помагање доби 15 години. Судскиот совет на чело со судијата Илија Трпков, кај обвинетите за помагање не утврди умисла за убиство на Киро Јанев, туку само на Марјан Тушевски.

Убиство и помагање на убиство – се делата за кои се товарат десетмината обвинети. Од нив, според обвинителството, тројца се директни извршители на двојното убиство, а останатите помогнале за да се случи. Љубе Бошковски, поранешниот министер за внатрешни работи на РМ е седмообвинет. Тој се товари за помагање на убиство, односно дека му одобрил на сега починатиот Орце Коруновски да го лиши од живот Маријан Тушевски, притоа му ветил дека никогаш нема да поведе истрага против него.

Обвинетите Предраг Чубрило, Милан Илиќ, Милорад Ковачевиќ и Вук Вукичевиќ во обвинението се посочуваат како платени убијци кои биле најмени од трето лице за да извршат ликвидација на Марјан Тушевски. Според обвинението, овие лица влегле во Република Македонија со посредство на обвинетиот Ивица Ристиќ. Пред убиството, како што се наведува во актот, во најмен стан претстојувале отприлика еден месец. Потоа, според обвинението, обвинетиот Зоран Трајковски, тогашен шеф на обезбедување на министерот Бошковски, ги прераспоредил останатите обвинети кои се тогашни инспектори во Одделот за набљудување и документирање при МВР. Нив, обвинителството ги гони како лица кои знаеле информации за убиството, но не презеле ништо. 

Обвинителство: Бошковски дал амин за убиството на Марјан Тушевски

Според обвинението, тогашниот министер Бошковски бил во пријателски односи со сега починатиот Орце Коруновски, кој истиот пак имал меѓусебни расправии и тепачки со Марјан Тушевски поради бизнис интереси за стриптиз барови и дискотеки во Скопје. Обвинителството наведува дека Бошковски директно му дал одобрување на Коруновски да го лиши од живот Тушевски и му ветил дека ќе го прикрие убиството. 

Во завршни зборови, Oбвинителството се откажа од гонење на 5 обвинети, тогашни помлади инспектори во Секторот за набљудување и документирање при МВР, поради недостиг на докази против нив.

Хронологија:

Јули, 2013 година – Судскиот совет ги прогласи сите обвинети за виновни и им одредува затворски казни, и тоа: Предраг Чубрило – доживотен затвор; Милан Илиќ – доживотен затвор; Милорад Ковачевиќ – доживотен затвор; Вук Вукичевиќ – доживотен затвор; Сашко Јовановски – 8 години затвор; Ивица Ристиќ – 8 години затвор, Љубе Бошковски – 12 години затвор; Зоран Трајковски – 10 години затвор; Никола Негриевски – 6 години затвор; Гоце Митровски – 6 години затвор.

Април, 2014 година – Апелациониот суд Скопје ја укинува пресудата  со образложение дека биле направени низа пропусти во првостепената постапка.

Ноември, 2014 година – Првостепениот суд во нова постапка повторно ги прогласи обвинетите за виновни. Судот овојпат кај обвинетите за помагање не утврди умисла за убиство на Киро Јанев, туку само на Марјан Тушевски, па обвинетите добија нешто пониски казни. Имено, Љубе Бошкоски доби 1о години затвор, Зоран Трајковски доби 8,5 години затвор, Сашко Јовановски и Ивица Ристиќ добија по 7 години затвор, додека на Гоце Митревски и Никола Негриевски им беа изречени затворски казни од 6 години затвор.

Октомври 2015 – По трет пат почна судењето во Основниот суд Скопје 1.

Тек на судењето

• 7.3.2016 – Поради „Ровер“, директорот на „Идризово“ ги преиспитува околностите за предвремено отпуштање на Бошкоски
• 4.3.2016 –„Ровер“ повторно одложен, Бошкоски не беше спроведен од затворот во судот
• 29.1.2016 – За „Ровер“ се чека на Јанева, за „Кампања“ затворската казна на Бошкоски истекува во јуни
• 4.12.2015 – „РОВЕР“: Ќе се утврдува надлежност за предметот — можно е преземање од Специјалното обвинителство
• 16.10.2015 – Транскрипти од „Ровер“ се предадени на специјалната обвинителка, тврди одбраната

• 1.07.2015 – Апелација повторно ја укина првостепената пресуда — обвинетите ослободени од притвор
• 19.11.2014 – ПРЕСУДА „РОВЕР“: Сите обвинети повторно прогласени за виновни, Бошкоски овојпат доби 10,5 години затвор
• 13.11.2014 – ЗАВРШНИ ЗБОРОВИ: Имаме докази дека казните се договараат по телефон и во кафеани, тврди Бошкоски
  
• 10.11.2014 –  ЗАВРШНИ ЗБОРОВИ: Судот не постапува по напатствијата од Апелација, смета одбраната
• 05.11.2014 – Бошкоски бара псхијатриско вештачење на судијата Илија Трпков
• 13.10.2014 – Бошкоски повторно отстранет од судница, завршни зборови следниот месец
• 08.10.2014 – Рочиштето одложено – на обвинет му се слоши во судница
• 24.09.2014 – Како човек и правник ја признавам судската власт, но не и ваков судски совет — Љубе Бошкоски
• 22.09.2014 – Љубе Бошкоски го бојкотираше и денешното рочиште
• 17.09.2014 – „Дечки, јас си идам!“ — Љубе Бошкоски демонстративно ја напушти судницата
• 27.08.2014 – Бошкоски тврди дека првообвинетиот е починат, а второобвинетиот бил в затвор кога се случило убиството
• 14.07.2014 – Љубе Бошкоски бара обвинителката да биде обвинета за малтретирање, изживување и понижување на немоќни лица
• 12.07.2013 –  12 години затвор за Љубе Бошковски — семејствата во солзи, навреди кон судијата и власта
• 03.07.2013 – Одбраната и обвинетите побараа слобода и правда — пресуда на 12 јули
• 20.06.2013 – Останав жив за различни режими да се изживуваат со мене, Бошкоски побара ослободителна пресуда
• 19.06.2013 – Oдбраната на Бошкоски смета дека обвинението не е докажано, побараа ослободителна пресуда
• 17.06.2013 – Петмина вработени во МВР ослободени од обвинение
• 05.06.2013 – Сведочеа последните сведоци, на следното рочиште завршни зборови
• 03.06.2013 – Одбраната бара и полициското досие „Ровер“ да се изведе како доказ
• 27.05.2013 – Кумашинот на Коруновски преку видео снимка барал од експремиерот Георгиевски да се справи со групата што го натепала
• 20.05.2013 – Рочиштето повторно одложено поради болест на еден од обвинетите
• 09.05.2013 – Рочиштето се одложи, за ЦД-то кое според обвинителството ги открива мотивите за двојното убиство ќе се зборува следниот пат
• 17.04.2013 – Мотивите за убиството стојат на ЦД, тврди обвинителството
• 12.04.2013 – Полицијата имала осомничени за убиството уште во 2003 година, меѓу нив обвинетите Предраг Чубрило и Милан Илиќ
• 05.04.2013 – Цели 3 часа сведочеше главниот началник што го расветлувал убиството на Тушевски
• 18.03.2013 – Обвинителството тврди дека постоел обид за ликвидирање на првообвинетите во 2003 година
• 11.03.2013 – Тушевски се обидел да му изнуди пари, тврди сведокот Зоран Азманов кој барал спас од изнудувачот кај претседателот Трајковски и министерот Бошковски
• 22.02.2013 – Бурно и емотивно, Љубе Бошковски обвини дека сведочењето на неговиот поранешен советник и откри на јавноста државна тајни од конфликтот во 2001 година
• 06.02.2013 – По 12 години молчење, денеска, Александар Василевски – Нинџа, со свежа меморија, подробно раскажа за денот на убиството на Тушевски и Јанев
• 11.01.2013 – Поранешен колега и љубовница на еден од обвинетите зборуваа за оружјето со кое е извршено двојното убиство
• 28.12.2012 – Заштитениот сведок од Коруновски слушнал за аминот на министерот Бошковски, а за убиството на Тушевски слушнал на телевизија
• 21.12.212 – Полицијата ги следела Тушевски и Јанев пред убиството, но осмообвинетиот Трајковски тврди дека тоа е коинциденција
• 18.12.2012 – Судење „Ровер“: Судењето повторно одложено поради влошената здравствена состојба на Љубе Бошковски
• 17.12.2012 – Рочиштето се одложи поради влошената здравствена состојба на Љубе Бошковски
• 13.12.2012 – Љубе Бошковски – Ја издржав хашката голгота ќе ги издржам и овие прогонувања, судете ме колку сакате совеста ми е чиста
• 11.12.2012 – По 11 години почна судењето за убиството на Марјан Тушевски, за Бошковски обвинението е фатаморгана