УЈП: За МојДДВ ќе им излеземе во пресрет на повозрасните лица и на граѓаните од социјално ранливите категории
Апликацијата МојДДВ преку која граѓаните ќе можат да ги скенираат фискалните сметки е достапна за преземање преку ‘google play store’ веб-страницата на Управата за јавни приходи каде што е поставен линк којшто нуди опција за преземање, соопштуваат од УЈП.
„Очекуваме во наредните денови апликацијата МојДДВ да биде достапна и на на ‘apple store’ за корисниците на оперативниот систем iОs.
Условите коишто граѓаните треба да ги исполнат за враќање на дел од платениот ДДВ се: да имаат навршени 15 години, да поседуваат документ за идентификација и своја трансакциска сметка и да се регистрирани на системот на УЈП е-Персонален данок. За најава во апликацијата МојДДВ граѓаните ќе ја користат истата е-пошта и лозинка од корисничкиот профил на е-ПДД.
За сите граѓани кои ќе имаат потреба од поддршка во целиот процес, како што се повозрасните лица и граѓаните од социјално ранливите категории, Управата за јавни приходи е целосно подготвена да им излезе во пресрет.
На 36 места, во организационите единици на УЈП на територијата на цела Република Северна Македонија, поставени се киоск-апарати, читачи на баркод и паметни мобилни телефони преку коишто Управата за јавни приходи ќе им овозможи на граѓаните да ги скенираат фискалните сметки.
Фискалните сметки со износ над 30 000 денари, како и невалидните фискални сметки, односно компјутерските, апликацијата МојДДВ нема да ги прифати.“
УЈП: Симнете ја апликацијата ,,Мој ДДВ” и скенирајте ги фискалните сметки
Донесен Законот за враќање на дел од ДДВ на физичките лица
Законот за враќање на дел од данокот на додадена вредност на физичките лица во собраниска процедура
Презентиран Законот за враќање на 15% од ДДВ на граѓаните
Поврат на ДДВ: Само најбогатите домаќинства ќе можат да вратат една просечна плата
М.В