Укинати одредби од Статутот на Адвокатската комора во врска со приемот во Комората
Уставниот суд го укина членот 66 став 2 алинеја 6 од Статутот на Адвокатската комора на Република Северна Македонија.
Членот 66 од Статутот на Адвокатската комора се однесува на барањето за прием во Комората, и тој гласеше:
Барањето за прием се доставува до Комисијата за прием.
Кон барањето за прием се приложуваат:
– кратка биографија
– универзитетска диплома за дипломиран правник во Република Северна Македонија со завршено четиригодишно високо образование на правни студии и стекнат VII/1 степен на образование или стекнати 300 кредити според Европскиот кредит-трансфер систем.
– доказ за положен правосуден испит
– уверение за државјанство
– уверение дека не е одземена деловна способност
– доказ за невработеност
М.В