„Основното јавно обвинителство за гонење на организиран криминал и корупција од страна на Управата за финансиска полиција прими пет кривични пријави против поранешни градоначалници на општините Струга, Свети Николе, Дебар, Студеничани и Долнени, како и против едно физичко и едно правно лице.
Кривичните пријави се поднесени поради постоење на основи на сомнение за сторени кривични дела – злоупотреба на службената положба и овластување од член 353 од Кривичниот законик и злоупотреба на Постапката за јавен повик, доделување на договор за јавнa набавкa или јавно-приватно партнерство од член 275-в од Кривичниот законик.
Кривичните пријави се проучуваат за донесување на понатамошна јавнообвинителска одлука по нив“, известуваат од Јавното обвинителство.

М.В